"Георгиевка орта мектебі"КММ-де «Оқуға құштар мектеп» жобасы аясында «Әлем әдебиетін бірге оқимыз» тақырыбында шетелдік жазушылардың шығармаларын оқып, танысу жүргізілуде. 2-сынып оқушыларымен Редьярд Киплингтің  "«Маугли» ертегісін бірге оқимыз" атты іс- шара ұйымдастырылды. Шара барысында оқушылар  ертегіні дауыстап оқып, ондағы сюжеттер арқылы шығарманың мазмұнымен танысты. Баланың ой-қиялын ұштап, қызығушылықтарын арттыратын  мұндай туындылардың танымдық және тәрбиелік мәні зор.

Кёкушинкай каратэден өткен жарыстың облыстық кезеңінде "Георгиевка орта мектебі" КММ-нің  оқушылары төмендегідей нәтижеге жетті.  ♦️Амангелды Асанали 3 орын ♦️Амангелды Аружан 3 орын ♦️Ахметканова Анель 3 орын ♦️Тұрсынбек Найман  3 орынды  ♦️Амангелды Жанел 2 орын ♦️Хасенова Айару 2 орын.  ♦️Коккозов Алисұлтан 1 орын.  ♦️Коккозов Алишер 1 орын ♦️Қасен Акежан 1 орын ♦️Айтказин Амиржан 1 орын ♦️Еркебұланқызы Тоғжан 1 орын.  ♦️Данабекова Асылжан 1 орын ♦️Амантаев Амир 1 орын ♦️Салимгужинов Арыслан

Жарма ауданы мектептерінің мұғалімдері арасында өткен ХХІІІ спартакиадада "Георгиевка орта мектебі" КММ командасы  жалпыкомандалық есепте ЖҮЛДЕЛІ  І ОРЫНДЫ жеңіп алды.

Ұлыстың Ұлы күні -  Наурыз мейрамына орай мекемелер  арасында өткен "Қазағымның дәстүрлері-ай" атты қазақтың салт-дәстүрлерін ерекше дәріптеп көрсеткені үшін "Георгиевка орта мектебі" КММ ЖҮЛДЕЛІ  І  ОРЫНДЫ  жеңіп алды.

2023 жылдың 16-18 наурыз аралығында 1-7-сынып оқушыларының облыстық «Зерде» зерттеу жұмыстары мен шығармашылық жобалар конкурсының РЕСПУБЛИКАЛЫҚ кезеңі өтті.  Нәтижесінде 5-сынып оқушысы Кәкім Айару жүлделі III орынды иеленді. Жетекшісі Берикканова Мадина Каиргалиевна.

"Наурыз - берекем, Наурыз - мерекем!" атты  3-4-сыныптар арасында іс-шара ұйымдастырылып, оқушылар "Жарапазан", ән  айтып, би билеп,  салт-дәстүрден үзінді  көрсетіп, өз өнерлерін ортаға салды.  Әр сынып бір ауыл болып, қазақтың ұлттық тағамдарымен дастархан жайды.

7-8-сыныптар арасында "Ұмытылған ұлттық тағамдар" сайысы  өтті. Аталған сайысқа әр сыныптан бір қыз бала анасымен қатысып, бүгінгі күні ұмытылып бара жатқан тағамдар "Әсіп", "Ақ ірімшік", "Ми палау", "Санзы", "Ала бауырсақ", "Шалап", "Түтінге қақталған ет", "Бүйенге салынған май" сияқты түрлерін әзірлеп, оның құрамы мен ұлттық құндылығын түсіндіріп, қорғап шықты. Сайыс қорытындысына "Аналар мектебі" құрамынан Э.С.Баймуханова, М.Г.Бендик, Н.С.Асанова төрелік етіп,  сыныптарды орындармен

  9-11-сыныптар арасында "Наурызым - дәстүрлі ізгілігім" атты  ұлттық ойындардан сайыс өткізілді.  Оқушылар  "Ләңгі тебу", "Арқан тарту", "Асық ату" және "Білек сынасу" түрлерінен  жарысып, халқымыздың ұлттық ойындарын жаңғыртты.

2023 жылдың 16 наурыз күні «Облыстық инновациялық- әдістемелік орталық» мемлекеттік мекемесінің «Үздіксіз білім беру жүйесіндегі  тұлға тәрбиесінің тұжырымдамалық негіздері» әдістемелік нұсқауы аясында  және тәрбие жұмысының отбасылық тәрбие бағыты  бойынша  «Георгиевка орта мектебі» КММ-де «Ата- ананың бала тәрбиесіндегі рөлі», «Баланың басты ұстазы - ата-ана» және «Жалпыадамзаттық құндылықтар- отбасы тәрбиесінің негізі» атты ата- аналар жиналыстары өткізілді.

2023 жылдың 16 наурыз күні "Бала тәрбиесіндегі мектеп пен ата-ананың рөлі" тақырыбында мектепішілік ата-аналар комитетінің төрайымы Д.Б.Болатбекованың  қатысуымен жалпы ата-аналар жиналысы өтті. Жиналыста күн тәртібіне сәйкес баяндама оқылып, мектеп психологтары тарапынан тренинг ұйымдастырылды.   Жиын соңы Наурыз мерекесі  қарсаңында 5-сынып оқушыларының ән-шашуымен қорытындыланды.