"1 наурыз - Алғыс айту күні" мерекесіне орай 4-сынып оқушылары арасында   суреттер көрмесі жасалды. Оқушылар Алғыс айту жайлы ойларын  сурет бетіне түсіріп, туған жер,  ата-ана, ұстаздарға алғыстарын білдірді.

"Алғыс айту" күні  мерекесіне орай мектебіміздің тарих пәнінің мұғалімі Байбатшаева А.С. өз ісін адал атқарып, қоғамдық  шаралардағы белсенді азаматтық ұстамдылығы үшін аудан әкімі Ж.Байсабыровтың  Алғыс хатымен  марапатталды. Құттықтаймыз!

1наурыз - Алғыс айту күніне орай мектеп парламентінің «Спорт және салауатты өмір салты» фракциясының тьюторы Г.А.Асанованың және парламент белсенділерінің ұйымдастыруымен «Рахмет саған, мектебім!» атты құттықтау стенді ұйымдастырылды. Оқушылар мұғалімдерге, мектепке, ата-анаға  деген ыстық ықыластары мен ізгі ниеттерін білдірді.

Алғыс айту күніне орай  мектеп Президенті мен Ұланбасы ардагер ұстаздарымызға ерен еңбектері үшін Алғыс білдірді.

"АЛҒЫС - жүректен шығады", "Біздің заманымыздың батыры" тақырыптарында өткен сынып сағаттары.

1 наурыз күні «Георгиевка орта мектебі» КММ-де мектеп психологтары А.Кокиева мен Б.Қабидоллаеваның ұйымдастыруымен балалардың «сыйластық» құндылығы туралы түсініктерін кеңейту, сыпайылық қарым-қатынасын дамыту, әдептілікке, кішіпейілділікке, ізеттілікке тәрбиелеу мақсатында «Алғыс айту -  парызым» тақырыбында іс-шара өткізді. Шара барысында мектеп  ұжымына 3«Б» және 3«В» сынып оқушылары қолдан сыйлық жасап, алғыстарын білдірді. Мектеп психологтары мұғалімдерге арнап хат пен бейнеролик әзірледі.

2023 жылдың 28 ақпан күні роботты құрастыру және бағдарламалау бойынша дарынды оқушыларды анықтау, қолдау мақсатында ұйымдастырылған «Zerek» облыстық чемпионатының және  «Digital steam Abai»  ІТ фестивалінің аудандық кезеңіне мектебіміздің оқушылары белсене қатысып, нәтижесінде жалпы есеп бойынша ЖҮЛДЕЛІ  І ОРЫН иегерлері атанды. Әр бағыт бойынша жүлделі орын алған оқушылар мен жетекшілерін құттықтап, шығармашылық табыстар тілейміз! 

2023 жылдың 28 ақпан күні жалпы білім беретін пәндер бойынша республикалық олимпиаданың облыстық кезеңінде география пәнінен жүлдегер атанған Бөкебаев Нұрмұхамет Семей қаласында өткен марапаттау салтанатына қатысты. Жетекшісі Танатаров Аслан Заманбекович.

Мектебіміздің "Айбын" патриоттық клуб мүшелері  жетекшісі Д.М.Рахимгалиевтің  ұйымдастыруымен "Жақсылық жасай біл!" атты акция аясында  ардагер ұстаз К.Б.Койшыбаеваның үйіне барып,  ауласын қардан тазалап, қолдау көрсетті.

Мектебіміздің оқушысы, "Жас Ұлан" ұйымының Ұланбасы Андраш Балнұр  Абай облысының қоғамдық өміріне белсенді қатысып,  білімді насихаттап, оқуда озат, еңбекқор әрі заманауи  білімді игерген жан-жақты болғаны үшін  облыстық ғылыми-әдістемелік "Дарын" орталығы  директорының м.а. С.Оспанованың Алғыс хатымен марапатталды. Балнұрды құттықтап, алдағы уақытта  тек сәттілік тілейміз!