Қыз баланың денсаулығы – ұлт болашағының кепілі!

Мектебімізде жасөспірімдер арасында ерте жүктіліктің алдын алу, қыз балалардың денсаулығын сақтау және салауатты өмір салтын қалыптастыру мақсатында 8–11 сынып қыздарымен ақпараттық-түсіндіру жұмыстары жүргізілді.

Кездесуге Жарма аудандық ауруханасының қарау кабинетінің акушері Шыныбаева Жанар Кабдулкаковна қатысып, қыз балаларға жасөспірімдік кезеңдегі физиологиялық өзгерістер, жеке бас гигиенасы, репродуктивті денсаулықты сақтау, ерте жүктіліктің алдын алу және оның салдары туралы маңызды ақпараттар берді.

Кездесу барысында оқушылар өздерін толғандырған сұрақтарын қойып, маманнан жауаптар алды.

Мұндай кездесулердің басты мақсаты – жасөспірім қыздардың денсаулығына жауапкершілікпен қарауын қалыптастыру, дұрыс шешім қабылдауға бағыт беру және денсаулық мәдениетін арттыру.

Қыз баланың денсаулығы – ұлт болашағының кепілі!