10 сәуір күні мектебімізде ағымдағы жылдың І жартыжылдығында аттестациядан өтетін мұғалімдердің апталығының ашылу салтанаты өткізілді.  1-2 ауысымда оқитын оқушыларды мұғалімдер "Қолшатыр" әдісі арқылы пән бойынша сұрақтарын қойып, дұрыс жауап берген оқушыларға сабаққа қажетті оқу құралдары сыйға тартылды.

"Әуенді тап" интеллектуалды сайысқа "Георгиевка орта мектебі" КММ-нен Асығатбектер әулеті қатысып, жүлделі ІІ орынды иеленді.

"Қозы Көрпеш - Баян сұлу" ғашықтар күніне орай "Мәңгілік махаббат жыры" атты ақындар мүшайрасында мектебіміздің 10-сынып оқушысы Ердешқызы Ақнұр "Ең жас ақын" номинациясына, 11-сынып оқушысы Садақова Бинур "Үздік ақын" номинациясына ие болды. Жетекшісі Байдельдинова А.К.

07 сәуір күні «Георгиевка орта мектебі» КММ-де мектеп психологтары А.Кокиева мен Б.Қабидоллаева 7«В» сынып оқушыларымен достықтың адам өміріндегі өзіндік ерекшеліктерін ұғындыру арқылы оқушылардың достық қасиеттерін ұштау, өмірден адал да, шыншыл дос таба білуге баулу мақсатында «Доссыз өмір бос» тақырыбында психологиялық жұмыс ұйымдастырылды. Жұмыс барысында «Мейірімді сыныптың макеті», «Өзімізді өзгертпесек, сыныпты өзгерте алмаймыз», «Майлықтар», «Мейрімді оқушы мен тас жүрек оқушының

"Георгиевка орта мектебі" КММ-де "Оқуға құштар" мектеп жобасы аясында 1-сынып оқушыларымен "Ертегі оқып беремін" атты оқу сағаты ұйымдастырылды. Балалардың ертегілер туралы түсініктерін кеңейтіп, тілдерін, ойлау қабілеттерін дамыту және ауыз әдебиетіне деген қызығушылықтарын арттыру мақсатында өткізілген шара барысында оқушылар ертегі тыңдап, дауыстап оқып және өздері білетін ертегілермен ой бөлісті.

Жарма АПБ ЖПҚБ КТІБ УПИ полиция аға лейтенанттары Р.М.Муратов пен М.К.Мамилов 8-10-сынып қыздарымен  құқықбұзушылықтың, буллингтің алдын алу жолдары туралы профилактикалық әңгіме жүргізіп, жауапкершілік туралы ақпарат берді.

Жарма ауданы кәмелеттік жасқа толмағандар  істері  жөніндегі полиция аға лейтенанттары Р.М.Муратов пен М.К.Мамилов 8-10-сынып ұлдарымен құқықбұзушылықтың, буллингтің алдын алу жолдары туралы профилактикалық әңгіме жүргізді.  Мектептің ішкі тәртіп ережесінің сақталуы, кешкі уақытта заңды өкілсіз жүрмеу, зиянды заттарды қолданбау сияқты түрлі құқықбұзушылықтың алдын алу мәселелерін айтып, оның салдары мен жауапкершілігі туралы ескертті.

"Парктер шеруі - 2023" табиғат қорғау Халықаралық акциясының ашылуы "Георгиевка орта мектебі" КММ-де өтіп, құрметті қонақ ретінде Қалбатау ауылдық округінің  әкімі Қ.С.Рахимжанов, Жарма ауданының ардагерлер кеңесінің төрағасы Н.О.Есполов, Жарма орманшылығының орман шебері Н.Б.Сақаев  қатысты.  Оқушыларды табиғатты қорғауға, күтуге және қамқорлық жасауға шақыра отырып, атсалысып жүрген мектептерді алғыс хаттармен марапаттады.

«Георгиевка орта мектебі» КММ–де мектеп психологтары А.Кокиева мен Б.Қабидоллаеваның ұйымдастыруымен 1«В» сынып оқушылырының эмоционалды көңіл-күйлерін көтеру, шаршағандықтарын басу, жағымды психологиялық ахуал қалыптастыру мақсатында «Көңілді жүрейік бәріміз!» тақырыбында ойын-жаттығулар ұйымдастырылды. Жұмыс соңында оқушылардың көңіл –күйлері көтеріліп, белсенділіктері арта түсті.

5 сәуір күні «Георгиевка орта мектебі» КММ-де мектеп психологтарының жоспарына сай жағымсыз көңіл-күйден арылу,  өзін еркін сезінуге көмектесу, қиялдарына ерік беру мақсатында 9 «В» сынып оқушыларымен «Мен сүйіспеншілікке толымын» тақырыбында жұмыс жүргізілді. Жұмыс барысында оқушылар « Роботтар» ойыны арқылы өздерін еркін ұстап, өздерінің қалаулары бойынша роботтарды құрастырып, оған есім таңдап, сипаттап, өз ойларымен ашық бөлісіп, көңіл-күйлері көтеріле түсті.