Өрт қауіпсіздігінің алдын алу мақсатында  Жарма орманшылығының аумақты қорғау инспекторы  Диханбаев Еркебұлан Болатович келіп, 9-сынып оқушыларымен әңгіме жүргізді.  Өрттің шығу жолдары мен өрт қауіпсіздігі  жайлы пайдалы ақпаратпен бөлісті.

«Георгиевка орта мектебі» КММ-де  2024 жылдың  24 ақпан-24 наурыз аралығындағы айлық аясында  "Туберкулез"  ауруының алдын алу, салауатты өмір салтын қалыптастыру  мақсатында мектеп қызметкерлері мен оқушыларға    «Дуниежүзілік туберкулезге қарсы курес» тақырыбында  әңгіме жүргізілді. Бастауыш сыныптар арасында туберкулез ауруының алғашқы белгілері туралы , 8-11 сыныптар арасында   әңгіме-сұхбат жүргізіліп, брошюралар таратылды. Мектеп медбикесі Д. Нұрмадиева, "Азат" жанұялық амбулаторияның

Семей қаласының 44793 әскери бөлімінің батальон командирінің орынбасары   А.Байбусов  пен  батальон сержанты А.Нурахметов келіп, 9-11-сынып ұлдарымен   кәсіптік бағдар бойынша әңгіме жүргізді. Оқушыларға  өздерінің қызметі мен болашақ жастарға жасалған жағдайлар туралы ақпарат беріп, бейнеролик көрсетті. Қызығушылық танытқан оқушылардың сұрақтарына жауап беріп, пайдалы мәліметтермен бөлісті.

Облыстық "Ақпараттық дайджест" онлайн бейнероликтер байқауында "Бұрымды қыз" номинациясына белсене қатысқаны үшін "Георгиевка орта мектебі" КММ  "Абай облысының  білім басқармасы" ММ  және "Облыстық инновациялық-әдістемелік орталығы" КММ-нің грамотасымен марапатталды. Жемісті күндеріміз көп болсын!

2024 жылдың 12 наурыз күні директордың оқу ісі жөніндегі орынбасарлары Г.И.Карпуша мен Б.А.Улыбаеваның ұйымдастыруымен 4, 9 –сынып  ата-аналарына жиналысы өткізілді. Жиналыс барысында мектеп психологы Б.А.Кабидоллаева «Сүйіспеншілік өмір негізі» тақырыбында психологиялық тренинг өткізсе, оқу ісінің орынбасарлары 4, 9 –сынып білім алушыларына білім жетістіктерінің мониторингісін жүргізу ережесі туралы ақпарат берді. Жиналыс соңында ата-аналар сұрақтарын қойып, оған жауап ала алды.

"Қыз бала қылығымен",- демекші, мерекеге орай мектебімізде ару қыздарымыздың құрметіне   1-11- сыныптарда мерекелік тәрбие сағаттары өткізілді. #Абай_облысы_Жарма_ауданы  #Біртұтас_тәрбие

Арқан тартудан 5 дүниежүзілік көшпенділер ойындарының республикалық іріктеуінің финалдық кезеңінде Абай облысы атынан сайысқа түскен Жарма ауданы қыздар құрама командасы жүлделі 1  орынды иеленді.  Аудан құрама командасының мүшесі, мектебіміздің ағылшын тілі пәні мұғалімі Сақаева Қаламқас Нурлановна мен жетекшілері Рахимгалиев Даулетқазы Мухтархановичті және  Бекбосынов Асылан Советовичті Республикалық чемпионаттан жеңімпаз атануларымен құттықтаймыз!

Мектебіміздің 7-сынып оқушысы,    күрес жарыстарының үздіксіз қатысушысы әрі жеңімпазы Сарсенханов Жарас  "Спорт шеберінің үміткері" атағын иеленді. Жас спортшымызға сәттілік тілей отырып, алар асулары биік болсын дейміз.

Әжелер тәжірибесін жастарға дәріптеу мақсатында өткен аудандық "Әжелер көпке үлгі" сайысында  "Георгиевка орта мектебі" КММ-нің әжелер командасы  ІІІ орынды иеленді. Жеңімпаздарымызды құттықтаймыз!

Оқушылардың шығармашылық қабілеттерін, эстетикалық талғамдарын, табиғи дарынын анықтау және поэзияға деген құштарлығын арттыру мақсатында өткен аудандық "Мұқағали Мақатаев оқулары" байқауына мектебіміздің оқушылары белсене қатысты.  "Көкірегінде жыр сәулесі маздайды" бағамы бойынша  Мухамадиева Айдана  ІІІ орынды иеленді. Жетекшілері Айтмурзакова Н.Д., Уайданова К.Ш.