Бүгін "Күншуақ" лагерінің 2 ауысымының жабылу салтанаты өтті. Барлық екі аптаға созылған демалыстың қорытындысы ретінде балалар үйренген өнерлерін ортаға салып,  ән, би, ойындар ойнатылып, балмұздақтар таратылды. Лагерьде өте белсенділік танытып жүрген балаларды мадақтамамен марапаттап,  үйірме және топ жетекшілері  жаңа оқу жылына жақсы көңіл-күйде келулеріне тілектестіктерін білдірді.

Бүгінгі "Күншуақ" лагерінің балалары Жарма ауданының көрнекті жерлері, мәдениеті, еңбек ерлерімен танысу, ой бөлісу  мақсатында   аудандық мұражайға саяхаттады. Мұражайдан көптеген қажетті мағлұматтар алып, тарихи ақпарттарға шолу жасады  және балалар тарапынан қойылған сұрақтарға жауап берілді. Мұражайға саяхатымыз өте қызықты өтті.

Бүгін Б.И.Сакенованың ұйымдастыруымен "Бала квест" ойыны өтті. Жолаушы картасы жасалып, әр аялдамаға тапсырмалар жасырылды. Тапқан балаларға екі топ бойынша "Ертегі кейіпкері кім?", "Мақалды аяқта", Кім мықты?", "Кім жылдам" атты тапсырмалар орындалды. Өте белсенді  балаларға мадақтама беріліп, ойын соңында тәттілер таратылды.

2022 жылдың 11 шілде күні "Күншуақ" жазғы лагерінде  Д.Ө.Мамырбекова  "Enjoi english" атты  шағын іс-шара өткізді.  Балалар шара барысында  үш тілде сөздердің  аудармасын тауып,  үш тілде мақал-мәтел айтып жарысып,  кесілген әріптерден сөздер құрады және  жылдам орын тап ойыны арқылы жасырын сөзді табу ойыны ойнатылды. Келесі кезекте берілген суреттерге сәйкес жазулар жапсыру тапсырмасын орындап,  барлық балаға шара соңында дәмді тәттілер берілді.

Бүгін Е.А.Макишевтің  ұйымдастыруымен "Шебер  қолдар" көрмесі өтті. Балалар өздері жасаған еңбектерін көрмеге қойып қорғады. Шара барысында еңбекке,өнерге байланысты мақал-мәтел, жұмбақтар жасырылды.  Б.А.Қабидоллаева балаларды еңбекке баулу мақсатында  ермексазбен,  түтікшелермен, бояулармен жұмыс жүргізді. Шара соңында  жеңімпаз атанған балаларға мадақтама беріліп,  тәттілер үлестірілді.

"Ашық аспан астындағы кітапхана" акциясына орай лагерь оқушылары арасында өткен "Балалық шағың балдәурен" атты эстафеталық сайысқа "Георгиевка орта мектебі"КММ- нің командасы белсене қатысып, жүлделі І орынды жеңіп алды. Марапат иелерін құттықтаймыз!

Бүгін жоспар бойынша Б.А.Кабидоллаеваның ұйымдастыруымен "Ұлттық ойындар - атадан балаға мұра" тақырыбында жарыс өтті. Балалар екі топқа бөлініп,  5 кезеңдік сайысқа түсті. Арқан тарту, қол күрес, теңге алу, білекті айқастыра жүгіру, асық ату сияқты ұлттық ойындарға барлық бала белсенді қатысып,  "Балдырған" командасы 2 орынды,  "Жұлдыздар" командасы 1 орынды жеңіп алды.  Оқушылар қазақтың ұлттық ойындары жайлы қосымша мәлімет ала отырып, бойлары сергіп қайтты.

"Рухани жаңғыру" бағдарламасы аясында  өткен "ҰЛЫ ДАЛА САРЫНДАРЫ" атты ІІІ аудандық көркемөнерпаздар фестивалінде  шығармашылықтың жоғарғы үлгісін көрсеткені үшін "Георгиевка орта мектебі" КММ  ұжымы БАС ЖҮЛДЕМЕН  марапатталды. Сондай-ақ, мектебіміздің көркемдік жетекшісі Асығатбек Ұланбектің жанұясы "Өнерлі отбасы" номинациясын иеленді.

2022 жылдың 5 шілде  күні Астана күніне орай  "Күншуақ" лагерінде "Астана - бас қала" атты іс-шара өтті. Балалар "Астана" күніне өз өлең жолдарын тарту етті. Ән айтылып, би биледі. Шара соңында  шарларға жасырылған сұрақтарға  жауап беріп, ойын ойнатылды. Топтық шарада  балалар екі топқа бөлініп,  "Менің Астанам!" тақырыбында суреттер салды.

Бүгін "Күншуақ" жазғы лагерінде А.Т.Амарбековтың ұйымдастыруымен табиғат аясында "Денсаулық - зор байлық!" тақырыбында  эстафеталық жарыс өтті. Таза ауада денені  шынықтыру, жаттығулар жасату арқылы  сымбаттылыққа баулу мақсатында өткен спорттық жарыс 6 кезеңнен тұрды. 1. Доппен жүгіру; 2. Секіртпемен секіру; 3. Қасықпен су тасу; 4. Жартылай отырып жүгіру; 5. Бір аяқпен секіріп жарысу; 6. Басқа қойылған затты түсірмей мәреге жету. Жарыс басында қауіпсіздік ережесі түсіндіріліп,  екі топ та