"Георгиевка орта мектебі" КММ-нің аз қамтылған отбасынан шыққан 8 оқушысына "Мектепке жол" акциясы аясында мектеп формасы, спорттық киім, аяқ киім және оқу құралдары түрінде  демеушілер (Жеке кәсіпкерлер Д.Серикпаева, Г.Авгамбаева, М.Семик, М.Имангаликов,  Х.Шарипов,  М.Омарова ) тарапынан көмек көрсетілді. Демеушілерімізге алғыс білдіре отырып, дендеріне саулық, отбасыларына амандық тілейміз! Жақсылық жасап жарысайық!

"Мектепке жол"акциясы аясында "Георгиевка орта мектебі" КММ-нің аз қамтылған отбасынан шыққан  бір оқушысына жеке кәсіпкер Марина Семик оқу құралдарын  және "Балалар әлемі" дүкенінің иесі А.Марденова күздік аяқ киім мен жейде түрінде демеушілік көрсетті. Демеушілерімізге алғыс білдіреміз.

«Георгиевка орта мектебі» КММ-де мектеп жанындағы үлескіде 5-8,10 сынып оқушылары жұмыс жоспарына және  белгіленген кестеге сәйкес практика өтуде. Оқушылар практика барысында мектеп ауласындағы гүлдерді,  мектеп үлескісіндегі жеміс-жидек, көкөністерді суғару,  күту және минералды заттармен құнарландыру тәсілдерімен танысуда.Қазіргі таңда оқушылар бақша өнімдерін жинап,  қызықтауда.

Мектепке дайындық барысында жыл сайынғы дәстүрлі "Бар мейірім балаларға" ұранымен "Мектепке  жол" акциясы аясында жеке кәсіпкер  Жумагулова Жанерке Курманбековна  екі оқушымызға  мектепке   киім-кешек түрінде демеушілік көрсетті. Игі іс атқарғаны үшін  демеушімізге алғыс білдіреміз.

2022 жылдың 2-6 тамыз күндері Алматы, Семей, Өскемен, Риддер, Қалбатау өңірлерінен жиналған командалар арасында киокушинкай каратэден оқу-жаттығу жиыны өтті. Жалпы алда келе жатқан жарыстарға дайындық ретінде және  этика мен төрешілік жүргізу туралы өткен семинарға  жүзден аса жас спортшылар қатысты.

2022 жылдың 30  шілде күні "Георгиевка орта мектебі" КММ-нің  6"Ә" сынып оқушылары сынып жетекшісі А.А.Турсынгалиеваның  ұйымдастыруымен Өскемен қаласында орналасқан этносаябаққа саяхатап барып келді. Қосымша кинотеатрға  барып, қызықты да әсерлі демалыс өткізді. Оқушылардың жазғы демалыс кезіндегі бұл саяхат олардың көңілдерінен шықты.

2022 жылдың 1 тамызы мен 30 қыркүйек аралығында «Мектепке жол» республикалық қайырымдылық акциясы өткізілетінін хабарлаймыз. Қайырымдылық жаса жарысайық!

"Демеушің болса, демікпей-ақ жүзерсің" дегендей мектеп асханасына жөндеу жұмыстары мен безендіруде демеушілік көрсеткен мектебіміздің 2002 жылғы түлектері С.Т.Асылбекованың сыныбына,  2003 жылғы мектеп түлегі Рустем Ауғажиновке және  2007жылғы түлектер: Ерлан Омарбаев, Мерхат Токтыбаев, Сымбат Искакова, Айнаш Хамзаева, Сауле Асылбекова, Макпал Халиуллина, Гульназ Серикова; жеке кәсіпкер С.И.Кожевниковаларға алғысымызды білдіреміз.