Ауа райының қолайсыздығы  мен қардың шамадан тыс мол түсуіне  орай  мектебіміздің ер мұғалімдері ерікті түрде шығып,   мектеп ауласын қардан  тазалауға атсалысты. "Жақсылық жасасаң өзіңе еселеніп қайтады" деген тілекпен игі істері үшін еріктілерге алғыс білдіреміз!

"Георгиевка орта мектебі" КММ-нің түлегі  Кабасов Асхат мектебіміздің оқушыларына  киім-кешек, Жаңа жылға тәттілер түрінде  көмек көрсетіп, демеушілік жасады.  Мектеп ұжымы мен әкімшілігі атынан зор алғыс білдіреміз!

Мектебімізде 7-8-сынып оқушылары арасында  Жаңа жыл шыршасы әр елге саяхат түрінде ұйымдастырылып,  оқушылар  әр елдің өнерін ортаға салды.Кезең-кезеңнен өте отырып, Аяз атаға жетіп, қызықты кеш өткізді.

27  желтоқсан күні мектебіміздің ең кішкентай шәкірттері - кіші орталық пен мектепалды даярлық сыныптарында  Жаңа жылдық шырша мерекесі тойлау барысында бүлдіршіндер Жаңа жылдық ғажайып бағдарламасын тамашалап, Аяз атаға өз тақпақтарын айтып, дәмді-тәттілерге риза болып қайтты.

Келе жатқан Жаңа жыл мерекесіне орай  көрік беру, балаларды ғажайып әлемге жетелер Жаңа жылдық көңіл-күй сыйлау мақсатында мектеп ауласына  қардан мүсіндер  жасалды.

2022жылдың 26 желтоқсан күні "Георгиевка орта мектебі" КММ-де  1-4-сыныптарға арналған "Төрлет, Жаңа жыл" атты  шырша мерекесі өтті. Оқушылар  жыл бойы күткен  ғажайып кейіпкерлерімен кездесіп, көтеріңкі көңіл-күймен қайтты.

2022 жылдың 23 желтоқсан күні 1-сынып оқушыларының әліппеден алған білімдерін бекіту,  білімімен қоса өз өнерін көрсету  мақсатында «Қош бол, сүйікті Әліппем!» атты әліппемен қоштасу ертеңгілігі өтті.  Ертеңгілік барысында оқушылар келген қонақтар  мен "Ана тілі" оқулығына өлең жолдарын оқып, әртүрлі қызықты тапсырмалар орындап,  ән айтып, өз өнерлерін көрсетті. Мереке соңында оқушыларға жақсы тілектер айтылды.

Мектебіміздің 9-сынып оқушысы, "Жас Ұлан" ұйымының Ұланбасы Андраш Балнұр   облыс әкімі Н.Т.Уранхаевпен кездесуге қатысып, оқуда жеткен жетістіктері   үшін СЕРТИФИКАТПЕН (НОУТБУК)  марапатталды.

"Георгиевка орта мектебі" КММ  кітапханасында көрнекті мемлекет және қоғам қайраткері, қаһарман партизан, белгілі жазушы Әди Шәріповтің туғанына 110 жыл толуына орай, 9-сынып оқушыларымен «Ұрпақ жадында мәңгі сақталар тұлға» атты дөңгелек үстел өткізілді. Шара  барысында оқушылар  жазушының өздері оқыған шығармалары бойынша ой бөлісті. Қаламгердің өзі куә болған оқиғаларды арқау еткен туындылары мен тәрбиелік мәні зор әртүрлі тақырыптағы повесть, әңгімелері жас ұрпақ үшін құнды қазына болып

2022 жылдың 19 желтоқсан күні мектеп парламентінің "Мәдениет және өнер" фракциясы мен  "Ақпарат және баспа" фракциясы бірлесе отырып,  бастауыш сынып оқушыларымен қоңырау барысында балаларды  сергіту мақсатында "Твистер" ойынын ұйымдастырды.