19 қаңтар күні «Георгиевка орта мектебі» КММ-де мектеп психологтарының жоспарына сай  мектеп бітіруші түлектерді емтиханға психологиялық дайындау, өзіне деген сенімділіктерін арттыру және түрлі жағдайларға қарсы тұра алу арқылы өзін-өзі басқара білу қабілетін дамыту,  оқушылардың өзін тану арқылы, өзіндік бағалауын қалыптастыру, стрессті жеңуге жол көрсету мақсатында «Емтиханға сеніммен барамыз!» тақырыбында тренинг ұйымдастырылды. Жұмыс барысында әрбір мектеп бітіруші түлектер өздерінің

"Георгиевка орта мектебі" КММ-де 18 қаңтар күні  мектеп психологтарының жоспарына сай оқушылар арасында жағымды көңіл-күй тудыру, өздеріне құрметпен қарауға баулу, сыныпта сыйластық қарым-қатынас орнату мақсатында  "Бірлігіміз жарасқан" тақырыбында 7 «Ә» сынып оқушыларымен психологиялық жұмыс жүргізілді.  Жұмыс барысында оқушылар сыныптағы жақын достары жайында ашық айтып, "Досым, сен қайдасың?" тақырыбында сурет салып, жоғары көңіл күйде болды.

18 қаңтар күні мектебіміздің түлегі,  қазіргі таңда «Тұран- Астана» университетінің студенті Советбекова Ажар келіп, 11- сынып оқушыларына университет туралы, студенттердің болашақ  мамандықтарымен таныстырды. Мектеп бітіруші оқушылар өздерін қызықтырған  сұрақтарын қойып, тың ақпарат алды.

Мектептегі өзін-өзі басқаруды дамыту және насихаттау, білім алушылардың бойында өзін-өзі табысты жүзеге асыру дағдыларын қалыптастыру мақсатында  мектеп Парламенттері арасында өткен  «Жетістік портфолиосы» атты  РЕСПУБЛИКАЛЫҚ БАЙҚАУДА  "Георгиевка орта мектебі" КММ-нің  мектеп Парламентінің президенті  Оспанова Балжан  БАС ЖҮЛДЕНІ иеленді. Жетекшісі Ұлыбаева А.О.

Мектебіміздің ата-аналары Байсеитова Майя,  Баймуханова Эльмира, Серикказы Диляра және  Садуова Арайлым  ерекше топтағы балаларға демеушілік жасап, киім-кешек түрінде көмек көрсетті. Демеушілерімізге зор алғыс білдіре отырып, отбасыларына амандық тілейміз.

Семей қаласында киокушинкай каратэден өткен облыстық  турнирде "Георгиевка орта мектебі" КММ-нің оқушылары Айтказин Ерсұлтан, Серік Айдар, Өміршайых Адель, Айтказин Амиржан,  Амантаев Амир 3 орынды, Амангелды Жанель, Серикканов Ерсұлтан 2 орынды иеленсе, Еркебұланқызы Тоғжан,   Дюсюнғали Айзере,  Рамазанова Милана, Данабекова Асылжан жүлделі 1 орынды жеңіп алды. Жетекшісі Амангелды М.А.

Мектеп Парламентінің   "Спорт және салауатты өмір салты" мен "Қамқорлық" фракциялары бірлесе отырып, ауылымызда болған қарлы боран салдарынан қар басқан  саябақ жолдарын тазалау мақсатында  "Біз біргеміз" акциясын өткізді.  Акцияға белсене қатысқан оқушыларымызға алғыс білдіреміз!

Ауа райының қолайсыздығына  байланысты республикалық маңызы бар жолдар жабылып, жолдың бойында  қалған жүргізушілер мен жолаушыларды "Георгиевка орта мектебі" КММ-нің ұжымы ыстық тамақ, ыстық шаймен қамтамасыз етіп, қолдау көрсетті. Жолаушыларға жол амандығын тілей отырып, отбасымен қауышуына тілектестігімізді білдіреміз!

Рождество мерекесінде "Георгиевка орта мектебі"КММ-нің ұжымы "колядки" айтып, құттықтау үлгісін көрсетті.

Соңғы күндері қардың шамадан тыс  көп түсуіне байланысты мектеп ауласын  қалың қардан тазалауға көмек көрсеткен  жеке кәсіпкер  Исабаев Серик Башировичке мектеп ұжымы атынан зор алғыс білдіре отырып, еңбегіне табыс тілейміз!