1 мамыр – Қазақстан халықтарының бірлігі күні мерекесіне орай қоғамдық келісім мен  тұрақтылықты  нығайтуға қосқан үлесі үшін мектебіміздің ардагер ұстазы  Қайырбеков Ерлан Баяканович  Жарма ауданының әкімі Ж.Б.Байсабыровтың Алғыс хатымен  марапатталды.  Марапат иесін құттықтаймыз!

1 мамыр – Қазақстан халықтарының бірлігі күніне орай  1-11-сыныптарда  сынып сағаттары өткізілді. Сынып сағаттары барысында балаларға ел ішіндегі түрлі ұлт өкілдерінің бір-біріне деген сый-құрметін арттырып,  татулықты, бірлікті, ортақ құндылықтарды  насихаттау негізгі міндетке қойылып,  оларды өзара татулыққа, достыққа шақырды.  Бірлігіміз жарасып, еліміз тыныш болып,  бейбіт өмірде күн кешуге тілектестік білдіреміз. #Абай_облысы_Жарма_ауданы  #Біртұтас_тәрбие

1 мамыр – Қазақстан халықтарының бірлігі күні мерекесіне орай бір шаңырақ астындағы халқымыздың достығы мен өзара түсіністігі, еліміздегі ұлтаралық татулық, ынтымақ, бірлікті арттыру мақсатында мектебімізде 7-8-сынып оқушылары арасында «Тұрақтылықтың тұғыры – татулық!» атты би сайысы өтті. Сайысқа оқушылар белсенділікпен, қызығушылықпен қатысып, жүлделі орындармен марапатталды.#Абай_облысы_Жарма_ауданы  #Біртұтас_тәрбие

Көңіл жақсы болғаны - өмір жақсы болғаны. Мектебімізде ата-аналарды педагогикалық қолдау орталығының жоспарына сәйкес 9-10 сынып ата-аналарымен "Күйзелістен шығар жол..." тақырыбында дөңгелек үстел өткізілді. Баланың күйзеліске төзімділігін қамтамасыз етудегі мектеп пен отбасының өзара әрекетін жүзеге асыруда ата-аналар жеке пікірлерін білдіріп, ойларын ортаға салды.

"Абай облысының білім басқармасы"ММ мен "Облыстық инновациялық-әдістемелік орталығы"КММ-нің ұйымдастыруымен өткен әскери-қолданбалы спорт түрінен Ұлағатты ұстаз Тыныштыбаев Құрман Құсманұлын еске алуға арналған облыстық турнирге мектебіміздің оқушылары белсене қатысып,  автоматты бөлшектеу  мен  жинақтаудан  Жұмағазы Шұғыла ІІ орынды, кермеге тартылудан Кәрім Ерасыл І орынды иеленсе, жалпыкомандалық есепте  жүлделі І орынды жеңіп алды. Жетекшісі Рахимгалиев Д.М.

Ұжымдық береке-бірлікті, ынтымақтастықты нығайту мақсатында өткен аудандық XXIV спартакиада ойындары аясында  волейболдан қыздар командасы  ІІІ орынды иеленді. Алдағы уақытта толағай табыстар тілейміз!

Ұжымдық береке-бірлікті, ынтымақтастықты нығайту мақсатында өткен аудандық XXIV спартакиада ойындары аясында қол күресі жарысында  мектебіміздің физика пәні мұғалімі Дайров М.Т. ІV орынды, тарих пәні мұғалімі Есентаев А.М. ІІ орынды,  химия пәні мұғалімі Қапашева Қ.Ә.  І орынды жеңіп алып, командалық есепте жүлделі  І орынды иеленді.  Спортшыларымызға алдағы уақытта  жетістік тілейміз!

«Георгиевка орта мектебі» КММ-де Жарма АПБ КПБ жедел уәкілі, полиция лейтенанты Акан Т.Ж. және кәмелеттік жасқа толмағандар  істері  жөніндегі полиция аға инспекторы Муратов Р.М.  9-11-сынып оқушыларымен құқықбұзушылықтың алдын алу және зиянды заттар, жол, көлік ережелері бойынша профилактикалық әңгіме жүргізді.Құқықбұзушылық және қылмыс белгілерімен, олардың түрлерімен таныстырып, оқушыларға ұсақ бұзақылыққа бармау, бір-біріне әлімжеттік көрсетпеу керектігі, зиянды заттарды қолданбау, олардың

23 сәуір күні «Георгиевка орта мектебі» КММ –де мектеп психологы Б.Қабидоллаеваның  жоспарына сай оқушылардың арасындағы жағымды қарым-қатынас орнату, бір-бірін сыйлау, адал дос болуға және қоршаған ортамен дос болуға үйрету мақсатында 1 «В» сынып оқушыларымен «Біз өмірде достықты бағалаймыз» тақырыбында ойын - жаттығулар ұйымдастырылды. Жұмыс барысында оқушылар «Биші адамдар», «Көңілді жаттығу», «Арт-терапия элементтері» ойындары ойнатылды.  Оқушылар әр жаттығуға бар ықыластарымен, жоғары

«Георгиевка орта мектебі» КММ-де 10-сынып оқушылары арасында балалардың  кітап оқу сауаттылығын арттыру, кітап оқуға деген сүйіспеншілікке тәрбиелеу мақсатында  "Дүниежүзілік кітап күніне" арналған «Біз кітаппен біргеміз» атты іс-шара өтті. Шара барысында әр сыныптың спикерлері «READx» жобасы аясында оқыған шығармаларын жарнамалады. Спикерлердің мақсаты – тыңдаушыларды өз презентациясына қызықтыру, тыңдаушыларды өздері ұсынған  кітапты оқуға шақыру.