"Менің Отаныма -менің бастамам" республикалық шығармашылық жобалар байқауының ОБЛЫСТЫҚ кезеңіне мектебіміздің 10-сынып оқушысы Андраш Балнұр "Жарма Арасан - сауықтыру және жазғы еңбек демалысы" тақырыбында өз жобасын қорғап ЖҮЛДЕЛІ   І орын иегері атанды. Жетекшісі тарих пәні мұғалімі Нурмухаметова Айдана Дәулетбекқызы.  Балнұр мен жетекшісін жеңістерімен құттықтаймыз!!!

2024 жылдың 30 сәуір күні “Жас маман - болашаққа бас қадам “ апталығы аясында ағылшын тілі пәні мұғалімі Шынкебаева Әсел Амангелдіқызы 6”Б” сыныбында “Means of transport “ тақырыбында ашық сабақ өткізді. Мұғалім сабағында  "WORDWALL" платформасын , әртүрлі қима материалдарын қолданып , транспорт түрлерімен таныстырды. Оқушылар ағылшын тілінде сұрақтарға жауап беріп, өз ойларын еркін жеткізе білді.

2024 жылдың 30 сәуірінде жас маман апталығы аясында ағылшын тілі пәнінің мұғалімдері Төлешова А. Қ. мен Мамырбекова Д. Ө. 5- сынып оқушылары  арасында “Travelling to the Englishland” тақырыбында интеллектуалды сайыс-ойынын өткізді. Шара барасында оқушылар “ABC game”, “Strike”, “Polyglot” сияқты қызықты тапсырмалар орындап,  сайысқа белсене қатысты.

1 мамыр – Қазақстан халықтарының бірлігі күніне орай  1-11-сыныптарда  сынып сағаттары өткізілді. Сынып сағаттары барысында балаларға ел ішіндегі түрлі ұлт өкілдерінің бір-біріне деген сый-құрметін арттырып,  татулықты, бірлікті, ортақ құндылықтарды  насихаттау негізгі міндетке қойылып,  оларды өзара татулыққа, достыққа шақырды.  Бірлігіміз жарасып, еліміз тыныш болып,  бейбіт өмірде күн кешуге тілектестік білдіреміз. #Абай_облысы_Жарма_ауданы  #Біртұтас_тәрбие

1 мамыр – Қазақстан халықтарының бірлігі күні мерекесіне орай бір шаңырақ астындағы халқымыздың достығы мен өзара түсіністігі, еліміздегі ұлтаралық татулық, ынтымақ, бірлікті арттыру мақсатында мектебімізде 7-8-сынып оқушылары арасында «Тұрақтылықтың тұғыры – татулық!» атты би сайысы өтті. Сайысқа оқушылар белсенділікпен, қызығушылықпен қатысып, жүлделі орындармен марапатталды.#Абай_облысы_Жарма_ауданы  #Біртұтас_тәрбие

2024 жылдың 29 сәуірінде жас мамандардың «Жас маман- болашаққа бас қадам» тақырыбында апталықтың ашылу салтанаты өткізілді. Апталық барысында мектеп дәлізі талапқа сай безендіріліп, 1-2 ауысымда оқитын оқушылар үшін  әртүрлі қызықты тапсырмалар ұйымдастырылды. Тапсырманы дұрыс орындаған оқушыларға оқу құралдары табысталды.

2024 жылдың 29 сәуір күні жас мамандардың апталығы аясында биология пәні мұғалімі Маралбаева Аяжан Дәулетқызы 9 «Ә» сыныбында «Жерде тіршіліктің қалыптасу кезеңдері» тақырыбында ашық сабақ өткізді. Сабақ барысында әртүрлі таратпа материалдарды қолданып, оқушылар топпен жұмыс жасап, постер қорғады. Мұғалім Genially-дағы «Detective QUIZ» әдісін, «Білім кемесі»  кері байланысын тиімді қолданды. Оқушылар сабаққа  қызығушылықпен белсене қатысып топтық жұмыстарды орындады.

"Жас маман - болашаққа бас қадам" апталығы аясында математика пәні мұғалімі Әмірбек Салтанат Әмірбекқызы 6 "Б" сыныбында  «Екі айнымалысы бар сызықтық теңдеулер жүйесін қосу тәсілімен және алмастыру тәсілімен шешу» тақырыбында ашық сабақ өткізді. Сабақ мақсатына жету үшін мұғалім сабақ барысында «Аквариум» әдісін, «Қима қағаздармен жұмыс», «Математикалық пазл» әдісін қолданды. Сабаққа оқушылар белсене қатысты.

Көңіл жақсы болғаны - өмір жақсы болғаны. Мектебімізде ата-аналарды педагогикалық қолдау орталығының жоспарына сәйкес 9-10 сынып ата-аналарымен "Күйзелістен шығар жол..." тақырыбында дөңгелек үстел өткізілді. Баланың күйзеліске төзімділігін қамтамасыз етудегі мектеп пен отбасының өзара әрекетін жүзеге асыруда ата-аналар жеке пікірлерін білдіріп, ойларын ортаға салды.