13 қазан күні «Георгиевка орта мектебі» КММ-де мектеп психологтарының жоспарына сай А.Кокиева мен Б.Қабидоллаеваның ұйымдастыруымен «Сүйіспеншілік әрбір жүректе» тақырыбында психологиялық тренинг жүргізілді. Сыныптағы психологиялық климатты жақсарту, оқушылардың айналасындағы адамдармен, қоршаған ортамен қарым-қатынас дағдыларын дамыту және сынып ішіндегі ұйымшылдық пен бірліктің маңызын түсіну мақсатында жүргізілген тренинг барысында «Жағымсыз қасиеттетерден арылайық!» ойыны арқылы жағымсыз

12 қазан күні «Георгиевка орта мектебі» КММ-де мектеп психологтары А.Кокиева мен Б.Қабидоллаеваның ұйымдастыруымен оқушылардың өз «менін», ұжымының «біз» ұғымдарын қалыптастыру, баланың сенімін тұрақтандыру, өз тобында өзін еркін сезіне алуға тәрбиелеу, адамгершілік-психологиялық жағдай туғызу, топта достық қарым-қатынас орнату мақсатында 6 «А» сынып оқушыларымен «Татулық –достық кілті» тақырыбында тренинг өтті. Тренинг барысында оқушылар «Менің тамаша сыныптастарым», «Әліппе», «Сыйлық»

Өскелең ұрпақты табиғи және  техногендік сипатта  болатын төтенше жағдайларға дайындау, әрекет ету дағдыларын меңгерту мақсатында өткен  "Қауіпсіз мектебі - 2023" аудандық сайысында мектебіміздің "Жалын" жас өрт сөндірушілер жасағы "Таныстыру" бағамы бойынша ІІ орынды,  "Өрт эстафетасы" бағамынан ІІІ орынды  және жалпыкомандалық есепте  ІІІ орынды иеленді. Жетекшісі  Рахимгалиев Д.М.

Ұлы жазушы М.О.Әуезовтің мұраларын насихаттау, дәріптеу, оқушылардың шығармашылық әлеуеттерін дамыту мақсатында 5-11- сынып оқушылары арасында облыстық «Әлем таныған Әуезов. Әуезов әлемі» байқауының аудандық кезеңінде   М.Әуезовтің шығармаларынан сахналық қойылым бағамы  бойынша "Георгиевка орта мектебі" КММ-нің оқушылары ІІІ орынды иеленді.  Жетекшісі Байдельдинова А.Қ.   Жас өрендерімізге табыс тілейміз.

Мектебімізде  30 жылдан астам уақыт тәрбие ісі жөніндегі орынбасары қызметін атқарған, беделді ұстаз Ахметжанова Гульнара Маратовнаны   бала тәрбиесіне қосқан үлесі мен бірлескен       көп жылғы еңбегі  үшін аудандық ішкі істер бөлімінің кәмелетке толмағандар істері жөніндегі аға инспекторы, полиция майоры А.М.Акимбаева және учаскелік  полиция капитаны М.К.Мамилов  келіп  "Ұстаздар күні" мерекесімен құттықтап, сыйлықтарын табыстады. Еңбек - ырыстың қазығы.

Мектебімізде "5 қазан - мұғалімдер күні" мерекесіне орай  шығармашылық топ пен жас мамандардың  ұйымдастыруымен ұжымды мейраммен құттықтау іс-шарасы өтті. Шараға ардагер ұстаз Сұлтанова Қарлыға Сайлаухановна қатысып, кәсіподақ ұйымынан  құттықтаулар мен шағын сыйлық иеленді. Ұстаздар қауымын төл мерекемізбен құттықтай отырып, мерейлері үстем, абыройлары асқақ болуына тілектестігімізді білдіреміз.

2023 жылдың 5 қазан күні «Георгиевка орта мектебі» КММ-де мектептегі өзін-өзі басқару жұмысын жандандыру, тұлғаның көшбасшылық қасиеттерін ашу және білім алушылардың ұйымдастырушылық қабілеттерін іске асыру мақсатында «Мұғалімдер күні» мерекесіне орай «Дублер күні» өткізілді.

Мемлекеттік тілді дәріптеу, көптілді тұлғаны қалыптастыру мақсатында  өткен облыстық видеороликтер байқауында "Георгиевка орта мектебі" КММ-нің 9-сынып оқушысы Набережнева Олеся  І орын иегері атанды. Жетекшісі қазақ тілі мен әдебиеті пәні мұғалімі Даулетова Әсия  Сатбековна. "Тіл - өлшеусіз қазына, өрісі кең әлем" демекші, қазынамызды сақтап, дәріптейтін жас ұрпақтарымыз көп болсын!#Біртұтас_тәрбие

Астана қаласында футболдан өткен жарыста мектебіміздің 8-сынып оқушылары Акрамов Нұрасыл мен Акрамов Ерасыл Абай облысы құрама командасының атынан қатысып, жүлделі ІІ орынды иеленді. Сондай-ақ,  Акрамов Нұрасыл "Үздік қорғаушы" номинациясының  иегері атанды. Жеңімпаздарымызды құттықтаймыз!

Мектебімізде "Еңбек күні" мерекесіне орай  қазақ тілі мен әдебиеті пәні мұғалімі К.Ш.Уайданованың ұйымдастыруымен «Табысты түлек» тақырыбында іс-шара ұйымдастырылды. Шараның құрметті қонағы ретінде мектеп түлегі, "Алтын белгі" белгісінің иегері, бүгінгі күні жеке кәсіпкер - омарташы Ахмеджанов Тамирлан қатысып, оқушылармен қызықты  әңгіме жүргізді. Тамирлан өзінің кішкене күнінен аталған кәсіпке қызығушылық танытып, 10 жасынан омарташылықпен айналысқанын жеткізді. Оқушылар үшін қызықты әрі тың