Тәуелсіздік күніне орай 1-4-сыныптарда  «Білімді ұрпақ - Тәуелсіз елдің тірегі» тақырыбында, 5-11-сыныптарда  «Кеше, бүгін, ертең» тарихи-танымдық тәрбие сағаттары өткізілді. Сабақта балалар өз елінің тарихымен, түрлі саладағы жетістіктерімен, ұлттық құндылықтарымен толығырақ танысып, болашаққа бағдар алды. #тәуелсіз_елдің_ұрпағы_абай_облысыЖармаауданы    #Біртұтас_тәрбие

"Отанға деген құрмет кіші жастан басталады" демекші мектебіміздің ең кішкентай бүлдіршіндері - мектепалды даярлық және кіші орталық тәрбиеленушілерінің  Тәуелсіздік күніне арнап салған суреттері.

Тәуелсіздік күніне орай ұйымдастырылған аудандық іс-шарада жас ұрпақ бойына Тәуелсіздік үшін ерліктерімен танылған тарих кейіпкерлері туралы "Георгиевка орта мектебі"КММ,  "Абай атындағы көпсалалы мектеп- гимназиясы" КММ және  "Маяковский атындағы орта мектебі"КММ-нің 10-11-сынып оқушыларымен әңгіме жүргізген мектебіміздің тарих пәні мұғалімі Байбатшаева Айнур Советовна Алғыс хатпен марапатталды. Құттықтаймыз!

Мектебімізде ел тәуелсіздігі күні қарсаңында  8-10-сынып оқушылары «Болашаққа хат» челленджі аясында «Тәуелсіз Қазақстандағы менің жетістігім», «Менің болашағым», «Еліммен бірге болашаққа апарар  жол» тақырыптарында шығарма жазып, ел тағдыры мен өз болашағы арасындағы  сабақтастық туралы ой толғап, өзіндік пікірлерін қағаз бетінде жүйелі жеткізе білді. #шығармажазу

Тәуелсіздік күні мерекесіне орай  балалардың  еліне, жеріне деген сүйіспеншілігін  кіші жастан бойларына сіңіру мақсатында «Тәуелсіз  елдің ұрпағымыз» тақырыбында сурет салу ұйымдастырылып,  оқушылар  еліміздің табиғатын, қалаларын сурет бетіне түсірді.  #тәуелсіз_елдің_ұрпағы_абай_облысыЖармаауданы #Біртұтас_тәрбие

"Біртұтас тәрбие бағдарламасы" аясында 5 желтоқсан - Халықаралық Еріктілер күніне орай "Георгиевка орта мектебі" КММ-де еріктілердің істерімен  таныстыру, әр түрлі жағдайларда қажетті көмек көрсету, "Біргеміз!", "Мен волонтермін!" тақырыптарында  тәрбие сағаттары өткізілді. #еріктілеркүні_абайоблысы

"Дүниежүзілік балаларды қорғау күні: балаларға арналған өмір"  республикалық онкүндіктің аясында сынып жетекшілер У.А.Карманова мен М.К.Берикканованың ұйымдастыруымен  "Тегін білген текті елдің ұрпағымыз" атты сайыс өтті. Сайыс барысында 9-сыныптар әр түрлі ұлттың  салт-дәстүрін көрсетіп, әр ұлттың тектілігін атап өтті. Кез келген ұлттың өз құндылығы  бар екенін ескере отырып, әрқашан өзара тату болуды насихаттады.#Біртұтас_тәрбие_Абай_облысы

Абай облысының Ұлттық Мектеп Спорт лигасы аясында 9-11-сынып қыздары арасында волейболдан өткен аудан біріншілігінде "Георгиевка орта мектебі" КММ-нің командасы жүлделі ІІ орынды жеңіп алды. Жетекшісі Нургалиев О.Б. және Мұхаметқалиев Н.Е.

Абай облысының Ұлттық Мектеп Спорт лигасы аясында 7-8-сынып ұлдары арасында волейболдан өткен аудан біріншілігінде "Георгиевка орта мектебі" КММ-нің командасы жүлделі ІІ орынды жеңіп алды. Жетекшісі Абдукаримов А.Қ.

Балалардың позитивті,  сыни ойлауын, жүйелі талдау, өз ұстанымын білдіру дағдыларын, диалог пен пікірталас жүргізудің парламенттік мәдениетін қалыптастыру  мақсатында  "Ұшқыр ой алаңы" пікірсайыс турнирінің  аудандық кезеңінде мектебіміздің "Ақиқат" фракциясы  ІІІ орынды жеңіп  алып, Андраш Балнұр "Үздік спикер" номинациясына ие болды. Жетекшісі Байбатшаева А.С.