Бүгін, «Біртұтас тәрбие» бағдарламасын жүзеге асыру мақсатында «Бірлік пен ынтымақ» құндылығы негізінде 1-4 сыныптар арасында  «Ұлттар биі» фестивалі өткізілді. Ата-аналардың қолдауымен аталған  іс-шара жоғары деңгейде ұйымдастырылды. 

2 желтоқсан күні "Біртұтас тәрбие" бағдарламасы аясында "Көңілді үзіліс" ұйымдастыру мақсатында  мектебімізде мектеп парламентінің ұйымдастыруымен "Choko day" іс-шарасы өтті. Осы іс-шараға мектеп оқушылары белсене қатысып, бір-біріне тәтті шоколадтар арқылы жылы лебіздерін білдірді.

Мектебімізде жасөспірімдердің денсаулығын нығайту факторы ретінде олардың дұрыс тамақтануына ата-аналардың жауапкершілігін қалыптастыру мақсатында 11-сынып ата-аналарымен педагогикалық қолдау орталығының "Үйден тыс тамақтану" тақырыбы аясында сабақ өткізілді. 

Кумаш Нургалиев атындағы жоғарғы колледж өкілдері келіп, 9-сынып оқушыларымен  әңгіме жүргізді.  Оқу орнына  оқуға түсу жайлы  және  студенттерге жасалған жағдай туралы ақпаратпен бөлісті.  Оқушылардың сауалдарына жауап беріп,  колледж әзірлейтін мамандық түрлерімен таныстырды.

Жалпы білім беретін мектептердің 9-11 сынып оқушылары арасындағы Ұлттық мектеп лигасы аясында баскетбол ойынынан аудандық жарыста мектебіміздің қыздар құрама командасы жүлделі ІІІ орын иеленді. Құттықтаймыз!!!

2024 жылдың 26 қараша күні жалпы білім беретін мектептердің 7-8 сынып оқушылары арасындағы Ұлттық мектеп лигасы аясында баскетбол ойынынан аудандық жарыста мектебіміздің қыздар құрама командасы жүлделі ІІ орын, ұлдар құрама командасы ІІІ орынға ие болды.  Құттықтаймыз!!!

2024 жылдың 22 қараша күні "Білімді ұлт" сапалы білім беру" ұлттық жобасын іске асыру аясында жас мұғалімдерге педагогикалық кәсіптің табыстылығында бағдар беру, кәсіби даму мен әл-ауқатын арттыруға ынталандыру мақсатында өткен  ІІІ облыстық " Табысқа апарар жол"  форумына мектебіміздің жас ұстаздары Кенжебекова Айдана Айдынқызы мен Маралбаева Аяжан Даулетқызы қатысып, тәжірибе жинақтап, тың ақпараттарға ие болды. 

Еліміздің ауылдық жалпы білім беретін мектептері оқушыларының зияткерлік әлеуетін қалыптастыруға ықпал ету, сондай-ақ ауыл мектептері оқушыларының ынтасын арттыру мақсатында өткен *IQANAT* олимпиадасының ІІ кезеңіне өткен оқушыларымызды құттықтап, келесі кезеңдерде сәттілік тілейміз! 1. Қайырғазы Еркежан 8 "Г" сынып оқушысы 2. Камалиев Әлижан 8 "Б" сынып оқушысы 3. Тылеубек Бекзат 8 "Г" сынып оқушысы

2024 жылдың 21 қараша күні жалпы білім беретін пәндер бойынша 8-11 сынып оқушылар арасында республикалық ғылыми жобалар конкурсының ОБЛЫСТЫҚ кезеңі өтті. Конкурс нәтижесі бойынша мектебіміздің 11-сынып оқушысы Андраш Балнұр «Жарма Арасан- сауықтыру және жазғы еңбек демалысы» тақырыбында жобасын қорғап жүлделі ІІІ орын иегері атанды. Жетекшісі тарих пәні мұғалімі А.Д.Нурмухаметова.  Жеңімпазды және жетекшісін жеңісімен құттықтаймыз!

Бүгін мектеп психологы Б.Қабидоллаеваның  жоспарына сай 3 «Б» сынып оқушыларымен достықтың адам өміріндегі өзіндік ерекшеліктерін ұғындыру арқылы, оқушылардың достық қасиеттерін ұштау, өмірден адал да, шыншыл дос таба білуге баулу мақсатында «Доссыз өмір бос!» тақырыбында тренинг ұйымдастырылды.  Тренинг соңында оқушылар  достық сезімді бойларына сіңіріп,  досқа деген адалдық, шексіз ықылас сезімдерін бағалай білуге және адал достықты жалған достықтан айыра білуді үйренді.