14 шілде күні мектеп жанындағы "Күншуақ" жазғы демалыс лагерінде робототехника үйірмесі бойынша "Роботтар әлемі" сайысы өткізілді. Ойын ІV кезеңнен тұрды:  • Таныстыру; •  "Ойлы болсаң озып көр" ойыны; •"Кегельринг" ойыны; • "Сумо" ойыны; Балалар аталған кезеңдерге  белсене қатысып, жүлделі орындарға ие болды.

13 шілде күні "Күншуақ" жазғы демалыс лагерінде "Квест" ойыны ұйымдастырылды. Оқушылар ағылшын алфавитін қайталай отырып,  "толықтыр,  түстерді анықта, кроссворд,  лабиринт, суреттердің айырмашылығын тап" тапсырмаларын орындау арқылы үш тілді жақсы меңгергендерін көрсетті. Ойын соңында балаларға  тәтті кәмпиттер таратылды.

Бүгін "Күншуақ" лагерінде М.Ж.Кызжанованың ұйымдастыруымен ұялы телефонды дұрыс пайдалану, оның пайдасы және зияны туралы ой өрістерін кеңейту мақсатында  "Ұялы телефонның пайдасы мен зияны" тақырыбында дебат-пікірсайыс ойыны өтті.  Пікірсайыс екі бөлімнен тұрып, балалар өте белсенді қатысты. Ойын соңында әділғазы алқасы жеңген топты марапаттады.

"Күншуақ" жазғы демалыс лагерінде "Оқуға құштар мектеп" жобасы аясында  балалардың оқуға қызығушылығын арттыру мақсатында "Жылдам оқу" тақырыбында  жас ерекшеліктеріне сай  буындап оқуға, тізбектеп оқу, мәтінде сурет орнына сөз қойып оқу сынды  тапсырмалар берілді. Қызықты тапсырмалар оқырмандардың көңілінен шықты.

"Күншуақ" жазғы лагерінде жоспарға сәйкес топ ұлдарының арасында "Алға, жігіттер!" атты сайыс өтті. Сайыс барысында ұлдар "Барыс", "Силачи" топтары болып логикалық тапсырмалар орындап, ребус, жұмбақ шешті. "10 айырмашылығын тап" атты ойында белсенділік танытып, сайыс қызықты, тартымды өтіп, қорытындысында мақтау қағаздармен марапатталды.

10 шілде  күні "Күншуақ" лагерінде жоспарға сәйкес топ қыздарының арасында "Жаз аруы" атты сайыс өтті. Қыздарымыз өздерінің ұшқыр ойына сүйеніп логикалық тапсырмаларға жауап берді. Cонымен қоса, әдемі киім үлгілерін, өнерлерін көрсетіп, белсенді қатысты. Іс-шара соңында мақтау қағаздарымен  марапатталды.

5 шілде күні  "Күншуақ" жазғы демалыс  лагерінің балалары  аудандық орталық мұражайға саяхатқа шығып,  жәдігерлер мен тарихи деректер туралы ақпарат алды.

Астана күні мерекесіне орай топтар арасында  асфальтқа сурет салу жарысы өтті. Балаларға берілген сурет бойынша асфальтқа "Бәйтерек"  сияқты  қаланың көркін келтіретін ғимараттардың суретін  салды.

Балалардың жазғы демалысын қызықты, пайдалы өткізу  мақсатында 5"А" сыныбы Семей қаласына бір күндік саяхатқа шықты. Оқушылар биологиялық орталық пен теплоходқа отырып,  сыныппен тамаша демалыс өткізді.