2023 жылдың 11 қазан күні Семей қаласында мүмкіндігі шектеулі оқушылар мен жасөспірімдер арасында  «Екі жұлдыз» шығармашылық фестивалі өтті. Фестивальге мектебіміздің 6 «Д» сынып оқушысы Тоқтамыс Гүлім қатысып, жүлделі ІІ орын иегері атанды. Гүлімді, ата-анасын, жетекшісін жеңістерімен құттықтаймыз!  

Республика күніне орай  "Ата Заң - еркіндіктің кепілі" тақырыбында өткен аудандық  дебат ойынында  мектебіміздің "Ақиқат" дебат клубы  жүлделі І орынға ие болды. Жетекшісі Байбатшаева А.С.

13 қазан күні «Георгиевка орта мектебі» КММ-де мектеп психологтарының жоспарына сай А.Кокиева мен Б.Қабидоллаеваның ұйымдастыруымен «Сүйіспеншілік әрбір жүректе» тақырыбында психологиялық тренинг жүргізілді. Сыныптағы психологиялық климатты жақсарту, оқушылардың айналасындағы адамдармен, қоршаған ортамен қарым-қатынас дағдыларын дамыту және сынып ішіндегі ұйымшылдық пен бірліктің маңызын түсіну мақсатында жүргізілген тренинг барысында «Жағымсыз қасиеттетерден арылайық!» ойыны арқылы жағымсыз

Бородулиха ауданы әкімінің жүлдесіне бокстан өткен облыстық  ашық турнирде мектебіміздің 7-сынып оқушылары Төлеубек Алдияр ІІ орынды,  Амангелді Әділет, Болат Ерболат пен Болат Нұрболат  І орын иегері атанды.  Марапат иелерін  және жаттықтырушысын құттықтаймыз!

12 қазан күні «Георгиевка орта мектебі» КММ-де мектеп психологтары А.Кокиева мен Б.Қабидоллаеваның ұйымдастыруымен оқушылардың өз «менін», ұжымының «біз» ұғымдарын қалыптастыру, баланың сенімін тұрақтандыру, өз тобында өзін еркін сезіне алуға тәрбиелеу, адамгершілік-психологиялық жағдай туғызу, топта достық қарым-қатынас орнату мақсатында 6 «А» сынып оқушыларымен «Татулық –достық кілті» тақырыбында тренинг өтті. Тренинг барысында оқушылар «Менің тамаша сыныптастарым», «Әліппе», «Сыйлық»

Өскелең ұрпақты табиғи және  техногендік сипатта  болатын төтенше жағдайларға дайындау, әрекет ету дағдыларын меңгерту мақсатында өткен  "Қауіпсіз мектебі - 2023" аудандық сайысында мектебіміздің "Жалын" жас өрт сөндірушілер жасағы "Таныстыру" бағамы бойынша ІІ орынды,  "Өрт эстафетасы" бағамынан ІІІ орынды  және жалпыкомандалық есепте  ІІІ орынды иеленді. Жетекшісі  Рахимгалиев Д.М.

10 қазан күні Қазақстан Республикасының кәсіподақтар күніне орай мектебіміздің қоғамдық  жұмыстарына белсенді қатысып жүрген кәсіподақ мүшелеріне кәсіподақ төрайымы сыйлықтар табыстап, мерекемен құттықтады.

2023 жылдың 9 қазан күні «Облыстық инновациялық- әдістемелік орталығы» КММ ұйымдастырумен өткізілген «Үздік авторлық бағдарлама» республикалық конкурсының облыстық кезеңінде математика пәні мұғалімі Мукажанова Камила Шакеновна қатысып, жүлделі ІІ орын иегері атанды. Әріптесімізді жетістігімен құттықтап, шығармашылық табыс тілейміз.

Физика –математика ғылымдарының докторы, профессор Т.И.Амановтың туғанына 100 жыл толуына орай 9-11 сынып оқушыларына математика пәнінен облыстық олимпиаданың аудандық кезеңі өтті. Олимпиада нәтижесінде 9-сынып оқушысы Мүбәрак Маржан (жетекшісі К.Ш.Мукажанова) жүлделі ІІ орын, 10-сынып оқушысы Даниярұлы Жанболат (жетекшісі Г.Ж.Догалбаева) ІІІ орын иегерлері атанды. Жүлдегерлерді, жетекшілерді жетістіктерімен құттықтаймыз!

2023 жылдың 6 қазанында Абай облысы білім басқармасының «Облыстық инновациялық- әдістемелік орталығы» КММ, Alikhan Bokeikhan University және «Abai IT Velley» технологиялық класстерінің ұйымдастыруымен «Педагогтердің ІТ – құзыреттіліктерін дамыту және жетілдіру» тақырыбында информатика, робототехника пәні мұғалімдерінің І съездіне Ж.С.Шаймуратова мен Ж.К.Садыкова қатысып, сертификат иеленді.