Кәсіптік бағдар беру мақсатында 9-11- сынып оқушыларымен  Қостанай академиясына оқуға түсу жолдары жайлы арнайы мамандар келіп, әңгіме жүргізді.  Қазақстан республикасы ішкі істер министрлігінің академиясы студенті атану үшін  түлектердің алға қойған мақсаттарының болуы, физикалық тұрғыдан дайындық сияқты бірқатар талаптар мен  оларға жасалған жағдайларды да толық ашып  жеткізді.  Балалар өздерін толғандырған сұрақтарын қойып, тиісті жауаптарын алды.

Жарма аудандық өрт сөндіру бөлімінің қарауыл бастығы, азаматтық қорғау  капитаны Махметов Асхат Ануарович келіп,  кәсіптік бағдар бойынша 11-сынып оқушыларымен әңгіме жүргізді. Өрт сөндіруші қызметінің жайы мен күйін, оқу барысы мен жұмысқа орналасудағы жеңілдіктермен таныстырды. Болашақ  түлектер үшін құнды ақпаратымен бөлісті.

12 қаңтар  күні  «Георгиевка орта мектебі» КММ-де мектеп психологы Б.Қабидоллаеваның жоспарына сай 9«В» және 10«Г» сынып оқушыларымен психологиялық жұмыс жүргізілді. Жұмыс барысында оқушылардың бір-біріне қолдау көрсете білуге, ұйымшылдыққа, татулыққа тәрбиелеу мақсатында "Біз әр түрліміз, бірақ біргеміз!" тақырыбында тренинг жүргізілді. Оқушылар ұйымдастырылған әрбір жаттығуларға белсенділікпен қатысып, «Буллинг және кибербуллинг» туралы ақпарат алмасып, бір-біріне ізгі тілектерін жаудырды.

2024 жылдың 11 қаңтар күні "Георгиевка орта мектебі" КММ-де  «Ата-аналарды педагогикалық қолдау» орталығы қызметін жүзеге асыру мақсатында   9 "А" сыныбының ата-аналарымен "Балаға үйрету:  ақылыңды мейірімге орап бер" тақырыбында  және 10 "В" сынып ата-аналарымен "Көркем мінез - баға жетпес байлық" тақырыптарында тренинг ұйымдастырылды. Ата‐аналар тренингке белсене қатысып, аталған тақырыптарда өз пікірлерін ортаға салды. #Біртұтас_тәрбие_Абай_облысы

"Ата-аналарды педагогикалық қолдау" орталығы қызметі бойынша мектебімізде  2 "Б"  және 7 "Б" сынып ата-аналарымен "Бала бойындағы тапқырлық пен эрудицияны қалай дамытуға болады?",  "Ақыл айтпа, жол көрсет" тақырыптарында бала тәрбиесіне қатысты ақпараттар беріліп, мысалдар келтіріліп, ойын түрінде, іс-тәжірибе барысында көрсетіліп, педагогикалық қолдау жасалды. Тренингке ата-аналар да белсенді қатысып, пікірлерімен бөлісті. #Біртұтас_тәрбие_Абай_облысы

2024 жылдың 8 қаңтар күні мектебіміздің түлектері, бүгінгі күні М.Әуезов атындағы Семей педагогикалық колледжінің студенттері келіп, кәсіптік бағдар бойынша 9-11-сыныптарға өздерінің тәжірибесімен бөлісе отырып, ақпарат берді. Аталған оқу орны дайындайтын мамандықтар мен студенттерге жасалған жағдай жайлы  кеңінен мәлімет беріп өтті.

2024 жылдың 05 қаңтар күні Семей қаласында бастауыш сынып мұғалімдеріне арналған республикалық "Алтын тұғыр" математикалық олимпиадасының облыстық кезеңі өтті. Олимпиадаға мектебіміздің бастауыш сынып мұғалімі Кабдуллина Жадыра Жұмабековна қатысып, жүлделі ІІІ орын иегері атанды. Әріптесімізді жеңісімен құттықтап, шығармашылық табыс тілейміз!

"Қыста кітап оқимыз, жадымызға тоқимыз" акциясы аясында 5-сынып оқушылары өздері таңдаған шығармаларын оқып, демалыс уақыттарын тиімді өткізуде.

"Георгиевка орта мектебі" КММ-де    ІІ оқу тоқсанының қорытындысы бойынша 1-11-сыныптарының  ата-аналар жиналысы өткізілді. Жиналыс барысында күн тәртібіне сәйкес баяндама оқылып, тренинг ұйымдастырылып, әр түрлі мәселелер қаралды.

"Георгиевка орта мектебі" КММ-де "Оқуға құштар мектеп"  жобасы  аясында  ұйымдастырылған "Бір отбасы - бір кітап" акциясына 2"А" сынып  ата - аналары мен оқушылары белсене қатысты. Осылайша,  қысқы демалыс кезінде ата-аналар  балалардың  кітап оқу  дағдыларын қалыптастыруға атсалысуда.