2024 жылдың 11 наурызында   5-6 сынып оқушыларына   математика пәнінен Қажи Нұрсұлтанов атындағы VI олимпиадасының аудандық кезеңі  өтті. Олимпиаданың қорытындысы бойынша мектебіміздің 5-сынып оқушысы Нематилла Нұрасыл жүлделі ІІ орын иегері атанып, облыстық кезеңге жолдама алды. Жетекшісі математика пәні мұғалімі Мурзагулова Мейргуль Калеловна. Нұрасылды жеңісімен құттықтап, облыстық кезеңде сәттілік тілейміз!

2024 жылдың 11 наурызында "Өнерлінің өзегі талмас" апталығы аясында  көркем еңбек пәнінің мұғалімі Ермекова Алма Сериковна "Бөлшектерді біріктіру мен бұйымды  безендіру " тақырыбында 6 "Б" сыныбында ашық сабақ өткізді. Сабақ барысында психологиялық ахуалды орнатуда "Жарқыраған жұлдыздар", "Сұхбатқа шолу", "Екі қолды жұмысқа жұмылдыру" әдістерін тиімді  қолданды. Кері байланысқа "Түрлі-түсті алжапқыштар" әдісі қолданылып, сабақ қойылған мақсатына жетті.

2024 жылдың 11 наурыз күні көркем еңбек және музыка пәні әдістемелік бірлестігінің “Өнерлінің өзегі талмас” тақырыбында апталығының  ашылу салтанаты өткізілді. Бірлестік мұғалімдері мектеп дәлізін ұлттық нақышта, талапқа сай безендіріп, 1-2 ауысымда оқитын оқушыларға пән бойынша сұрақтар қойып, түрлі басқатырғыш ойындарын ойнатты.

"Қыз бала қылығымен",- демекші, мерекеге орай мектебімізде ару қыздарымыздың құрметіне   1-11- сыныптарда мерекелік тәрбие сағаттары өткізілді. #Абай_облысы_Жарма_ауданы  #Біртұтас_тәрбие

Мектебіміздің  ер мұғалімдері әйелдер қауымын 8 наурыз  - Халықаралық  әйелдер күні мерекесімен құттықтады. Сонымен қатар, жас буынға білім беру мен тәрбиелеудегі жеткен жетістіктері үшін және  еңбектегі  жемісі үшін ұстаздар мен кіші қызметкерлер марапатталды. Тамаша шығармашылық кеш үшін ер азаматтарымызға ризашылық білдіре  отырып,  ұжымдағы әжелерді, аналарды, аруларымызды  төл мерекесімен құттықтаймыз!  Мереке құтты болсын!

Арқан тартудан 5 дүниежүзілік көшпенділер ойындарының республикалық іріктеуінің финалдық кезеңінде Абай облысы атынан сайысқа түскен Жарма ауданы қыздар құрама командасы жүлделі 1  орынды иеленді.  Аудан құрама командасының мүшесі, мектебіміздің ағылшын тілі пәні мұғалімі Сақаева Қаламқас Нурлановна мен жетекшілері Рахимгалиев Даулетқазы Мухтархановичті және  Бекбосынов Асылан Советовичті Республикалық чемпионаттан жеңімпаз атануларымен құттықтаймыз!

Ауыл мектептерінің 9-11 сынып оқушыларына арналған олимпиаданың республикалық кезеңінде үздік нәтиже көрсеткен мектебіміздің 11- сынып оқушысы Бекбосын Аружан Жарма ауданы білім бөлімінің Алғыс хатымен марапатталды. Аружанға биік белестерден көрінуіне тілектеспіз!

Білімді, парасатты, саналы жас ұрпақты тәрбиелеудегі ерік - жігері, ізденісі, іскерлігі,өз ісіне адалдығы мен жетістіктері үшін мектеп директорының оқу ісі жөніндегі орынбасары Улыбаева Бакыт Алимхановна Жарма ауданы білім бөлімінің Құрмет грамотасымен марапатталды. Әріптесімізді құттықтаймыз!

Ауыл мектептерінің 9-11 сынып оқушыларына арналған олимпиадада шәкіртінің жеткен жетістігі үшін мектебіміздің қазақ тілі мен әдебиеті пәні мұғалімі, олимпиаданың республикалық кезеңінде үздік нәтиже көрсеткен Бекбосын Аружанның жетекшісі Байдельдинова Айгерим Кайратовна Жарма ауданы білім бөлімінің Алғыс хатымен марапатталды. Әріптесімізді құттықтап,  шығармашылық табыс тілейміз!

2024 жылдың 04 наурыз күні жалпы білім беру ұйымдарына ақпараттық - коммуникациялық технологияларды енгізу, интернет мүмкіндіктері мен ресурстарын қолдану тәжірибелерін анықтау мақсатында «Ең үздік сайт- 2024» аудандық байқауы өтті. Байқау нәтижесі бойынша «Георгиевка орта мектебі» КММ-нің сайты ЖҮЛДЕЛІ  ІІ орын иеленді.