2021 жылдың 26 қарашасында  дарындылық пен қосымша білім беруді  дамытудың Шығыс Қазақстан ғылыми-әдістемелік «Дарын» орталығының  ұйымдастыруымен 5-6 сынып оқушылары арасында жалпы білім беретін пәндер бойынша республикалық олимпиадасының аудандық кезеңі өтті. Олимпиада қорытындысы бойынша 5-сынып оқушылары Тлеубаев Абзал математика пәнінен ІІІ орынды, ал Қайырғазы Еркежан орыс тілі мен әдебиеті пәнінен жүлделі І орынды иеленіп, облыстық кезеңге жолдама алды. Жетекшілері Турсынгалиева Алтын

«Георгиевка орта мектебі» КММ-де Қазақстан Республикасының Тұңғыш Президенті күніне орай, мектеп кітапханашысы Ержанова Б.Т. «Менің Жерім - менің Қазақстаным!» тақырыбында  кітапханалық  сабақ  өткізді. Сабақ барысында оқушылар Қазақстан туралы балаларға арналған кітаптармен таныстырылды. Сұрақ–жауап түрінде балалардың  тақырыпқа қатысты білетіндері  ортаға салынды.

Қазақстан Республикасының  Тұңғыш Президенті күніне орай, «Георгиевка орта мектебі» КММ – де  «Елбасы тарихы – Елбасы  өмірі»  атты кітап көрмесі ұйымдастырылды. Онда оқушылар назарына Тұңғыш Президенттің әр жылдардағы  еңбектері, өмірі мен қызметі  туралы шығармалары ұсынылды. Оқушылар  Елбасының Тәуелсіз Қазақстанды қалыптастырудағы атқарған  ерен еңбегі  туралы  жан – жақты  мәліметтер алды.

«Георгиевка орта мектебі» КММ-де 1-11-сыныптарында «Елбасы - Қазақстанның тұрақтылығы мен өркендеуінің кепілі», «Тәуелсіз ұлт Көшбасшысы»  тақырыбында патриоттық  тәрбие сағаттары  өтті. Тәрбие сағаттарында сынып жетекшілер  бүгінгі жас азаматтарды еліміздің нағыз патриоттары, еңбекқұмар, қайсар  болуға тәрбиелеп, рухани дүниесі кең тұлға қалыптастыруға  ықпал етті.

2021 жылдың  30 қараша күні «Георгиевка орта мектебі» КММ-де  Қазақстан Республикасының Тұңғыш Президенті күніне арналған Республикалық бірыңғай «Жас Ұлан» және «Жас Қыран» балалар мен жасөспірімдер ұйымы қатарына салтанатты қабылдау  жиыны өткізілді.  Жиынға құрметті қонақ ретінде  қамқоршылық кеңесінің белсенді мүшесі Қ.М.Мапетов  және  ардагер ұстаз  С.Т.Асылбекова қатысып, оқушыларды құттықтады.  «Жас Ұлан»  және «Жас Қыран» балалар мен жасөспірімдер ұйымы қатарына  1-9-сынып оқушылары

1 желтоқсан Тұңғыш Президент күніне   және  Қазақстан Республикасы Тәуелсіздігінің  30 жылдығы аясында өткен аудандық «Маусымашар»  ойынында  «Георгиевка орта мектебі» КММ-нің  «ЖАСТАР LIFE» командасы   БАС ЖҮЛДЕНІ  жеңіп алды.  Мектебіміздің мәртебесін  көтеріп жүрген оқушыларымыз:  1.    Құмарсагитов Әлім 2.    Болатұлы Абылай 3.    Бекенов Нұрасыл 4.    Берсугирова Мөлдір 5.    Өзбек Алдияр Жетекшілері: Ұлыбаева А.О., Қадылбеков Д.Е.

2021жылдың  24 қараша күні «Георгиевка орта мектебі» КММ-де   құқықбұзушылықтың алдын алу  мақсатында  Жарма АПБ ЖПҚБ КТІБ УПИ полиция лейтенанты Мамилов Медет Калымжанович  5-7-сынып оқушылары арасында түсіндірме жұмыстарын жүргізді. Оқушыларды пиротехника тәрізді тыйым салынған зиянды заттарды қолданудың заңды салдарымен таныстырды.

Жалпыадамзаттық құндылықтар күніне орай  7-8-сынып оқушылары арасында   ішкі тыныштық құндылығын қалыптастыру мақсатында  өзін-өзі тану пәнінің мұғалімдері М.Берикканова мен А.Ұлыбаева  «Жүрек қуанышы» атты шығармашылық жұмыстар көрмесін ұйымдастырды. Көрмеге оқушылардың қуаныш сезімдерімен  жасалған заттары қойылды.

Жалпыадамзаттық құндылықтар күніне орай «Георгиевка орта мектебі» КММ-де     мектеп психологтары  А.Кокиева мен Б.Қабидоллаева  жас мамандармен сүйіспеншіліктің өмір өзегі екендігін ұғындыра отырып, сүйіспеншілік құндылығының мәнін ашу мақсатында «Сүйіспеншілік әрбір жүректе» атты шығармашылық жұмыс ұйымдастырды. Жұмыс барысында әріптестер «Әлемге сүйіспеншілікпен қарайық!» тақырыбында арт терапия элементтерін қолдана отырып, мозаикамен жұмыс жасап, бір-бірлеріне жылы лебіздерін білдірді. 

"Георгиевка орта мектебі"КММ -де 1-4-сынып оқушылары Жалпыадамзаттық Құндылықтар тақырыбында суреттер салып,  бір-біріне, жақындарына деген сүйіспеншіліктерін қағаз бетінде бейнелеп, аталған тақырыптағы  түсініктерін кеңейте  түсті.