«Қайырымдылық күнінде» мектебімізде «Шын жүректен» акциясы

15 наурыз күні Наурызнама онкүндігі аясында өткен «Қайырымдылық күнінде» мектебімізде «Шын жүректен» акциясының қорытынды кезеңі өтті.

Азық-түлік себеттерін жеткізуді «Айбын» әскери-патриоттық клубының мүшелері өз жауапкершілігіне алғаны біз үшін ерекше мақтаныш! Біздің оқушылар көмек қолын созуға әрдайым дайын екендіктерін іспен дәлелдеп, әр шаңыраққа қамқорлық пен жылулық сыйлады.

Көмек жинау — бүкіл мектептің үлкен еңбегі, ал оны мұқтаж жандарға уақытылы жеткізу — нағыз игі миссия. Осынау мерекелік күнде отбасылардың ризашылығы мен күлімдеген жүздерін көру — біз үшін ең үлкен марапат.

Барлық оқушыларға, ата-аналар мен ұстаздарға атсалысқандары үшін алғыс айтамыз! Бірге болсақ, әлемді мейірімді ете аламыз.