Жас түлектердің қорытынды аттестаттауға дайындығын анықтау

13 қаңтар күні мектеп психологтары 11 «Б» сынып оқушыларымен психологиялық жұмыстар жүргізді. Жұмыстың мақсаты – жас түлектердің қорытынды аттестаттауға дайындығын анықтау, оларға психологиялық қолдау көрсету және бағыт–бағдар  беру.  Жұмыс барысында мектеп түлектері белсенді қатысып, креативтілік танытты. Мамандықтарға байланысты өздерін мазалап жүрген сұрақтарына жауап алды. Жүргізілген жұмыстың соңында түлектердің көңіл-қүйлері көтеріліп,  өздерінің жеке ойларын айтып, алған әсерлерімен  бөлісті. Мектеп түлектерімен әлі де әр түрлі жұмыстар жүргізіледі деп жоспарлануда.