ҰБТ кезінде мектеп түлектері мен ата-аналарға психологиялық көмек
Халықаралық Отбасы күні аясында «Георгиевка орта мектебі» КММ-де мектеп психологтары «Қорытынды аттестаттау және ҰБТ тапсыру кезінде мектеп түлектері мен ата-аналарға психологиялық көмек» тақырыбында акция ұйымдастырды.
Акцияның мақсаты – ата-аналар мен педагог – психологтардың байланысын нығайтып, мектеп түлектердің қорытынды аттестаттау мен ҰБТ тапсыру алдындағы мазасыздық пен қобалжу деңгейін төмендету және емтиханға дайындықты ұтымды ұйымдастыру болып табылады. Отбасындағы өзара түсіністікке ерекше көңіл бөле отырып, ата – ана тарапынан балаға қолдау көрсетуінің маңыздылығын тоқталу.
Акцияның ашылу салтанаты ата – аналарға «Ақжол саған құлыным!!!» атты психологиялық ахуал тудырумен басталды. Арнайы дайындалған стендке ата – аналар мектеп түлектеріне арнап тілектері мен жылы лебіздерін жазды.
Акция барысында көптеген іс-шаралар өткізілді. «Георгиевка орта мектебі» КММ директордың оқу-ісі жөніндегі орынбасары Г.И. Карпушаның жетекшілігімен ата-аналар арасында ҰБТ рәсімінен үзінді ұйымдастырылды. Ата – аналар маңызды қадам алдында тұрған балаларының психологиялық күйін сезініп көрді. Мектеп түлектерімен ҰБТ кезінде өзін-өзі реттеу дағдыларын үйрету мақсатында мектеп психологтары А.Н.Кокиева мен М.К.Кабаева «Тайм – менеджмент» тәсілі арқылы «Стрессті басқару және қобалжуды жеңу» тақырыбында коучинг өткізді.
Ата – аналар мен оқушылардың арасындағы қарым – қатынасты жақсарту және олардың бір – бірлеріне деген сенімділікті нығайту мақсатында тимбилдинг жаттығулары ойнатылды. Ата – аналар назарынан қорытынды аттестаттау және ҰБТ- ға дайындық кезінде мектеп түлектерінің денсаулығын сақтау мәселелері де тыс қалмады. Осы мақсатта А.Н Кокиева, М.К Кабаева арт-терапияның түрлері: құм терапия, мақта таяқшаларымен нүктелі сурет, пекин орамжапырақтары, матаға түрлі түсті жіптермен арман суретін салу ұйымдастырылды.
Үрейі басылған барлық қатысушылармен мектептің бастауыш сынып мұғалімі М.Ж.Қызжанованың ұйымдастыруымен экспрессивті би тренингі өтті. Ата – аналар мен мектеп түлектері белсене, бар көңілдерімен қатысты.
Семинар-тренингтің жұмысын қорытындылау үшін «Ашық микрофон» рефлексиясы ұтымды қолданыс тапты. Рефлексияға мектеп түлектері мен ата-аналар тарапы белсене қатысып, өткізілген шараның маңыздылығына тоқталып, пікір алмасты.
