Абай Құнанбаевтың 175 жылдығына арналған «Туған жер. Туған ел. Туған глобал» облыстық пән олимпиадасы
2020 жылдың 12 мамыр күні «Руханижаңғыру» бағдарламасы аясында Шығыс Қазақстан облысы білім басқармасының Дарындылық пен қосымша білім беруді дамытудың ШығысҚазақстан ғылыми-әдістемелік «Дарын» орталығы, «Сәрсен Аманжолов атындағы мемлекеттік университеті» ШЖХ РМК ұйымдастыруымен қашықтық режимде 8-11сынып оқушылары арасында Абай Құнанбаевтың 175 жылдығына арналған «Туған жер. Туған ел. Туған глобал» облыстық пән олимпиадасы өткізілді.
Олимпиаданың мақсаты – дарынды оқушыларды анықтау, дамыту және қолдау көрсету, Абай шығармашылығын насихаттау, туған жердің мәдени-тарихи мұраларын оқып-үйренуге ынталандыру жолы мен азаматтықты, патриотизмді қалыптастыру.
Олимпиада 2 айналым бойынша өтті: "Абайдың асыл мұралары" презентация жасау және «Әдебиет», «География», «Қазақстан тарихы» пәндері бойынша кешенді тестілеу.
Олимпиадаға«Георгиевка орта мектебі» КММ бойынша 2 оқушы қатысып, нәтижесінде Бас жүлдегер11-сынып оқушысы Дакенова Аяжанға 2020-2024 оқу жылдарына «Тарих» мамандығы бойынша С. Аманжолов атындағы ШҚМУ Ректорының гранты тағайындалды. 8- сынып оқушысы Даркенбаева Диана жүлделі І орынды иеленді.
Жүлдегерлер мен жетекшілерін , ата-аналарын жетістіктерімен құттықтаймыз!