«Жеңіс Күні. Мәңгі есімізде…» атты бірыңғай онлайн сынып сағаттары
1941 жылы басталған Ұлы Отан соғысының аяқталғанына биыл 75 жыл болды. Сол жылдың маусым айынан бастап КСРО-ның миллиондаған әскерімен бірге, қазақ жауынгерлері де Ұлы Отан соғысына аттанып, өзінің батылдығымен, қайсарлығымен көзге түсіп, жеңіске жетуге елеулі үлес қосқан еді. Егер батыр ардагерлеріміздің жеңісі болмаса, мүмкін әлем картасында Тәуелсіз Қазақстан елі де болмас па еді. Сондықтан Отан үшін жан қиғандарды еске алып, олардың рухтарына бас иіп, тағзым ету – бүгінгі ұрпақтың мәңгілік парызы болып қала бермек. Ұлы Отан соғысы ардагерлерінің, тыл еңбеккерлерінің ерліктері мысалында мақтаныш сезімін тәрбиелеу, Қазақстан халқының тарихи тағдырының ортақтығын сезіну, рухани-адамгершілік құндылықтарын қалыптастыру мақсатында «Георгиевка орта мектебі»КММ 6 мамыр күні 1-11 сыныптарында «Жеңіс Күні. Мәңгі есімізде…» атты бірыңғай онлайн сынып сағаттары өткізілді. Іс-шара барысында «Ұлы Жеңіс- ұрпаққа аманат!» тақырыбында слайдтар, «Біз есте сақтаймыз!» тақырыбында сурет байқауы, Ұлы Жеңіс күні мерекесіне арналған бейнероликтер көрсетілімі ұйымдастырылды. Ұлы Жеңіс күні мерекесімен баршаңызды шын жүректен құттықтаймыз! Ешқашанда жауынгер ерлігі мен жеңісті еңбегімен соққан еңбекшінің ерен ерліктері ұмытылмайды! Келешек еліміздің дархан даласы кең, аспаны ашық болсын!