1 мамыр – Қазақстан халқының бірлігі күні

1 мамыр – Қазақстан халқының бірлігі күні мерекесі жақындап та келді. Бұл еліміздегі ең жарқын және мерейлі мейрамдардың бірі. Қазақстан аумағында тұрып жатқан 150-ден астам ұлт пен ұлыс өкілдерінің киелі қара шаңырақта тату-тәтті өмір сүруі үшін береке мен ынтымақ, бірлік пен бейбітшілік аса қажет. Қазақстан халқының бірлігін нығайту, жастарды достық пен ынтымақтастықта өмір сүруге тәрбиелеу мақсатында «Георгиевка орта мектебі» КММ 1-11-сыныптарында Қазақстан Республикасын мекендеген ұлттар мен ұлыстар достығы және бірлігіне арналған «Бірлік пен Келісім» тақырыбында сынып сағаттары өткізілуде. Іс-шара барысында «Қазақстан- достық мекені» тақырыбында  слайдтар, «Менің Елім!» тақырыбында сурет байқауы, Қазақстан халқының бiрлiгi  күні мерекесіне   арналған  бейнероликтер көрсетілімі ұйымдастырылуда. 1мамыр – Қазақстан халықтарының бірлігі мерекесімен баршаңызды шын жүректен құттықтаймыз! Бір шаңырақтың астындағы халқымыздың достығы мен өзара түсіністігі одан әрі жалғасып, еліміздегі ұлтаралық татулық әрдайым берік болып, қашан да ынтымақ, бірлік мәңгі жасай берсін!