Бірыңғай сынып сағаттары
2019 жылдың 25 қазанында КР Білім және Ғылым министрлігінің тапсырмасына сәйкес «Георгиевка орта мектебі»КММ отбасы құндылықтарын қалыптастыру, патриоттық және азаматтық тәрбиені дамыту
мақсатында «Отбасы -тәрбие басы, мектеп – тәрбие жаршысы»атты бірыңғай сынып сағаттары ұйымдастырылып жоғары деңгейде өткізілді. Оқушылардың назарына отбасы тәрбиесі мәселелерінің өзектілігі, оқушылардың отбасындағы алатын білімі, әр адамның отбасындағы тұлға екендігі, баланың тұлға ретінде қалыптасуына отбасының рөлінің маңыздылығы туралы тақырыптық анимациялық роликтер, слайдтар ұсынылып, жаңа әдіс-тәсілдер қолданылды. Іс-шара барысында оқушылар «Мен отбасыммен мақтанамын» тақырыбында фотоколлаж, «Менің отбасым-ең үздік» аттысурет көрмесіне қатысып, өз отбасы туралы ойларын ортаға салды. Іс-шараға ата-аналар, мектеп әкімшілігі қатысты.