Республикалық экосағат
«Георгиевка орт мектебі»КММ-де 2019 жылдың 3 қазанында Дүниежүзілік мекендеу жерлерін қорғау күні аясында оқушыларға қазіргі таңдағы адамзат баласының алдында тұрған экологиялық проблемалар туралы түсініктерін қалыптастыра отырып, экологияның астарында Отанға деген сүйіспеншілік жатқанын ұғындыру және экологиялық тәрбие беру мақсатында 8 сынып оқушыларына "Адамдардың табиғатсыз күні жоқ, оны айтуға табиғаттың тілі жоқ" атты экосағаты өткізілді. Іс-шараға Жарма ауданы әкімінің орынбасары Ибраев А.М., Жарма аудандық білім бөлімінің басшысы Шаймұратов Қ.Р., Жарма аудандық білім бөлімінің әдіскері Увалиева Г. Ж., мектепішілік ата-аналар комитетінің төрайымы Абишева Г.Ж., мектепішілік қамқоршылық кеңесінің төрайымы Искакова Ғ.М., «Қалба тынысы» газетінің тілшісі Арықханқызы Каусар қатысты. Жарма ауданы әкімінің орынбасары Ибраев Айдар Маратович қатысушыларды халықаралық мерекемен құттықтап, тікелей әңгімелесіп, оқушылардың экологиялық мәселе туралы сұрақтарына жауап берді. Іс-шара мектебіміздің ауласына ағаштар отырғызуымен аяқталды. Сонымен қатар барлық сыныптарда тақырыптық экосағаттары ұйымдастырылып жоғары деңгейде өткізілді. Оқушылардың назарына табиғатқа, туған өлкеге ұқыпты қарау, табиғи ресурстарды сақтау, өсімдік және жануарлар әлемін, су ресурстарын сақтау туралы тақырыптық анимациялық роликтер, слайдтар ұсынылып, экологиялық проблемалар туралы түсініктер берілді. Экосағатқа «Семей орманы» МОТР РММ Тау-Дала филиалы орман шаруашылығы инженері Төлегенова А.Б. қатысты.
