«Сыңғырла, соңғы қоңырау!»
2019 жылдың 25 мамырында «Георгиевка орта мектебі» КММ-де Жарма ауданының әкімі Нұрғожин Ахметқали Ахашұлы, Жарма аудандық маслихатының хатшысы Сахметжанова Айгуль Жансаповна, Жарма аудандық білім бөлімінің басшысы Шаймұратов Қанат Рымханович және мектепішілік ата-аналар комитетінің төрайымы Абишева Гульзада Жуандыковнаның қатысуымен «Сыңғырла, соңғы қоңырау!» атты салтанатты жиын өтті. Сонымен қатар мектебіміздің мақтанышы ҚАЗАҚ ГВАРДИЯСЫ және 2018-2019 оқу жылының қорытындысы бойынша үлгілі тәртіптерімен, өте жақсы оқығаны үшін ерекшеленген ОҚУ ҮЗДІКТЕРІ мерекеде алдыңғы қатардан орын алды. Салтанатты жиында мектеп директоры А.Ж.Даутова қатысқан қонақтарға, оқушыларға, ата-аналарға және ұстаздар қауымына өз құттықтауын жеткізді. Аудан әкімі Нұрғожин Ахметқали Ахашұлы да жиылған қауымды оқу жылының аяқталуымен құттықтап, мектеп бітіруші жас түлектерге ақ жол тілеп, ізгі ниетін білдірді. Сондай-ақ, салтанатты жиында арнайы ұйымдастырылған концерттік бағдарлама қойылды. Бағдарлама барысында мектептің Республикалық, Халықаралық конкурстардың жеңімпазы Шәріпхан Бабырдың орындауында Құрманғазының күйі «Адай», жас өнерпаздар «Болашақ» тобының орындауында «Батырлары елімнің» атты әні орындалды. Түлектер де өздерінің 11 жыл бойы алған білімі мен тәрбиесі үшін ұстаздарына Алғыс білдіріп, соңғы вальс биін биледі. Жиын соңында оқу жылының аяқталғанын айғақтайтын қоңыраудың соңғы сыңғыры қағылып, жас түлектерді мектеп қабырғасындағы соңғы тәрбие сағатына шығарып салды. 
