«Махаббат пен ерліктің жыршысы» тақырыбында әдеби зияткерлік ойын

«Георгиевка орта мектебі» КММ-нің кітапханашылары «Оқуға құштар мектеп» жобасы аясында Әзілхан Нұршайықовтың 100 жылдық мерейтойына орай 10-сынып оқушылары арасында жазушының өмірі мен шығармаларына шолу жүргізу мақсатында  «Махаббат пен ерліктің жыршысы» тақырыбында әдеби зияткерлік ойын өткізді. Әр сыныптан құралған топтар өзара оқыған «Махаббат қызық мол жылдар», «Ақиқат пен аңыз» шығармалары бойынша сайысқа түсті. Сайыс 3 кезеңнен тұрды:  «Викториналық сұрақтар», «Нақыл сөздерді жалғастыру», «Мәтінді құрастыру». Нәтижесінде  10 «Б» сынып оқушыларының «Парасат» тобы білімімен жеңіске жетті. Сонымен қатар, Ә.Нұршайықовтың  кітаптары мен  баспасөз материалдары бойынша  көрме ұйымдастырылып, жазушының кітаптарын оқуға ұсынылды.