«Мұз астынан балық аулау-2018» фестивалі

Георгиевка орта мектебінің ұжымы 2018 жылдың 17 ақпанында Ортабұлақ ауылының «Шаянка» көлінде өткен Жарма ауданының құрылғанына 90 жыл толуына байланысты Қазақстан Республикасының астанасы Астана қаласының 20 жылдығына арналған «Мұз астынан балық аулау-2018» фестиваліне белсене қатысып, сайыс түрлерінен жүлделі орындарға ие болды. Атап айтқанда, әйелдер командасы арқан тартудан басқа командаларды тең келтірмей І орынды жүлделеп, ерлер командасы мұз үстінде хоккей ойнаудан І орынды жеңіп алды. Мұғалімдер басқа жарыс түрлерінен де қалыспай шанамен жарыстан және қаппен жүгіруден ІІ орындарды иеленді. Жеңімпаздар сыйлықтармен және мадақтамалармен марапатталды.