Барша жұрт асыға күтетін, таңғажайып әрі ең көңілді  мерекелердің бірі - Жаңа жылды мектебіміздің 4-сынып  оқушылары  ерекше көңіл-күймен атап өтті.  Жаңа жылдық бағдарламада көңілді сайқымазақтар, Антарктидадан келген  пингвиндер, әр түрлі  ханшайымдар мен  Бразилия  өнерпаздары  өз өнерлерін ортаға салды. #Біртұтас_тәрбие_Абай_облысы_Жарма

Мектебіміздің  3-сынып оқушылары  Жаңа жылдық мерекені  мультфильмдер желісімен атап өтіп,  миньондар, смурфиктер, санта клаустар  және ханшайымдар  болып ерекше  өнер көрсетті. #Біртұтас_тәрбие_Абай_облысы_Жарма

Жаңа жыл! Жаңа күн! Жаңа өмір! Бұл күн тіршіліктің барлық иелеріне жаңа үміт, қуаныш, ерекше сезім сыйлайды. Осындай  әсерде  2-сынып оқушылары Жаңа жылдық шыршаға арналған мерекені тамашалады.#Біртұтас_тәрбие_Абай_облысы_Жарма

Жаңа жыл - бүлдіршіндер үшін ерекше мереке. Кіршіксіз көңілдері  ғажайыптың боларына сенген  1-сынып оқушыларына арналған  Жаңа жылдық шырша мерекесі  ұйымдастырылып,  балалар түрлі кейіпкер бейнесінде  киініп,  Аяз ата мен ақшақарға өз өнерлерін  ұсынды.  Шынайы көңілмен дәмді-тәттілерді қабылдап,  көтеріңкі көңіл-күйде болды. Жаңа Жыл құтты болсын!#Біртұтас_тәрбие_Абай_облысы_Жарма

2023 жылдың 26 желтоқсан күні мектебіміздің ең кішкентай бүлдіршіндері  мектепалды даярлық топ тәрбиеленушілері  үшін ғажайып мереке Жаңа жылдық шырша ертеңгілігі "Ақшақардың кебісі" ертегісі желісімен ұйымдастырылып,  оқушылар  тамаша көңіл-күйде болды. Балалар Аяз атаға тақпақтарын айтып, би билеп, ән айтты.#Біртұтас_тәрбие_Абай_облысы_Жарма

Қазақстан Республикасы  Президентінің атынан  Семей қаласында  өткен  Жаңа жылдық шыршаға мектебіміздің  5-сынып оқушысы Сарсенханов  Жақсылық қатысып, Жаңа жылдық тәттілер мен 100 000 теңгелік сертификатты иеленді.  Театрландырылған Жаңа жылдық қойылымды тамашалап, тамаш көңіл-күймен оралды.#Біртұтас_тәрбие_Абай_облысы_Жарма

Жаңа жыл мерекесіне орай шырша шамдарының салтанатты жағылу рәсімінде өткізілген "Санта клаустар" ән-би байқауында  ерекше өнер көрсеткені үшін   "Георгиевка орта мектебі" КММ-нің ұстаздар қауымынан құралған  "Санта клаустар" командасы ІІ орынды жеңіп алып, ұйымдастыру алқасының диплом және сыйлығымен  марапатталды. Марапат иелерін құттықтаймыз!  Жаңа жыл жаңа жетістіктерге толы болсын!

2023 жылдың 19-20 желтоқсан күндері 9-11 сынып оқушыларына арналған жалпы білім беретін пәндерден республикалық олимпиаданың аудандық кезеңі өтті. Олимпиадаға мектебімізден 33 оқушы қатысып, 26 оқушы жүлделі орынға ие болды:

"Айбын" әскери-патриоттық клубының мүшелері мен жетекшісі Д.М.Рахимгалиевтің ұйымдастыруымен    9-11-сынып  оқушылары арасында волейболдан жарыс ұйымдастырылды. Жарыс қызу әрі тартысты өтіп,  оқушылар белсене қатысты. Нәтижесінде номинациялар мен жүлделі орындарға ие болды. Атап айтсақ,  ІІІорынды 11 "Б" сыныбы, ІІ орынды 10 "Б" сыныбы  және І орынды 11 "А" сыныбы жеңіп алды.

Қазақстан мектептерінің басшылары мен мұғалімдерінің инновациялық тәжірибесін зерделеу және тарату мақсатында "Педагогикалық идеялар фестивалі" республикалық байқауының аудандық кезеңі өтті.  Байқауға қатысқан мектебіміздің физика пәні мұғалімі  Дайров Мадияр Тыныбекович ІІ орын, орыс тілі мен әдебиеті пәні мұғалімі Орумбаева Эльмира Исламбековна ІІІ орын иегерлері атанды. Әріптестерімізді жеңістерімен құттықтап, шығармашылық табыс тілейміз!