2021жылдың  24 қараша күні «Георгиевка орта мектебі» КММ-де   құқықбұзушылықтың алдын алу  мақсатында  Жарма АПБ ЖПҚБ КТІБ УПИ полиция лейтенанты Мамилов Медет Калымжанович  5-7-сынып оқушылары арасында түсіндірме жұмыстарын жүргізді. Оқушыларды пиротехника тәрізді тыйым салынған зиянды заттарды қолданудың заңды салдарымен таныстырды.

Жалпыадамзаттық құндылықтар күніне орай  7-8-сынып оқушылары арасында   ішкі тыныштық құндылығын қалыптастыру мақсатында  өзін-өзі тану пәнінің мұғалімдері М.Берикканова мен А.Ұлыбаева  «Жүрек қуанышы» атты шығармашылық жұмыстар көрмесін ұйымдастырды. Көрмеге оқушылардың қуаныш сезімдерімен  жасалған заттары қойылды.

Жалпыадамзаттық құндылықтар күніне орай «Георгиевка орта мектебі» КММ-де     мектеп психологтары  А.Кокиева мен Б.Қабидоллаева  жас мамандармен сүйіспеншіліктің өмір өзегі екендігін ұғындыра отырып, сүйіспеншілік құндылығының мәнін ашу мақсатында «Сүйіспеншілік әрбір жүректе» атты шығармашылық жұмыс ұйымдастырды. Жұмыс барысында әріптестер «Әлемге сүйіспеншілікпен қарайық!» тақырыбында арт терапия элементтерін қолдана отырып, мозаикамен жұмыс жасап, бір-бірлеріне жылы лебіздерін білдірді. 

"Георгиевка орта мектебі"КММ -де 1-4-сынып оқушылары Жалпыадамзаттық Құндылықтар тақырыбында суреттер салып,  бір-біріне, жақындарына деген сүйіспеншіліктерін қағаз бетінде бейнелеп, аталған тақырыптағы  түсініктерін кеңейте  түсті.

23 қараша  Жалпыадамзаттық Құндылықтар күніне сынып жетекшілер  "Сүйіспеншілік - адамның басты қасиеті, ақиқат - оның негізі, дұрыс әрекет - оның шынайы өмірі" атты тәрбие сағаттарын ұйымдастырып, оқушылар  сүйіспеншіліктің қарапайым өмірдегі  рөлін  сезіне түсті.

Жалпыадамзаттық құндылықтар күніне орай  А.Ұлыбаева мен М.Амангелдіұлы 4 «Д» және 11«Б» сыныптарында «Жалпыадамзаттық құндылықтар – тұлғаны рухани адамгершілік тәрбиелеудің негізі» тақырыбында шеберлік сағаттарын өткізді. Шеберлік сабақтарын өткізудегі мақсаты оқушыларға жалпыадамзаттық құндылықтар туралы ақпараттармен таныстыра отырып, рухани-адамгершілік білім беру.

2021жылдың 23 қараша күні «Георгиевка орта мектебі» КММ-де жаңа күн «Бақыт» баспалдағынан бастау алды. «Мектеп» сөзі латын тілінен «баспалдақ» деп аударылады екен. Жалпыадамзаттық құндылықтар күніне орай  өзін-өзі тану пәні мұғалімдерінің ұйымдастыруымен   әр ұстаз "Бақыт" мекенінде "бақыт" атты аяқ киімдер киіп, әр баспалдақтағы жүрекжарды тілектерді өз қалаулары бойынша таңдап алды. Ұжымның таңы  риясыз сүйіспеншілік пен махаббатқа толы көңіл-күймен жалғасын тапты.

«Георгиевка орта мектебі» КММ–де мектеп психологы Б.Қабидоллаева 6 «Ә» сынып оқушыларымен сыныптағы оқушылардың өзара қарым-қатынасын дамыту, сынып ұжымын біріктіру, оқу қызметіне деген ынтаны арттыру, позитивті қарым-қатынсты дамыту және психологиялық ахуал орнату мақсатында «Достығымыз жарасқан» атты тренинг өткізді. Тренинг барысында «Сергіту сәті», «Газетке саяхат», «Сіз қандай жануар болғыңыз келеді?», «Лабиринт» ойынын ойнады. Жұмыс барысында оқушылар «Менің футболкам» қағаздарында бір –

2021 жылдың 10-11 қараша күндері Шығыс Қазақстан облысы білім басқармасының «Шығыс» өңірлік орталығы ұйымдастыруымен  «Үздік өзін-өзі тану мұғалімі» республикалық байқауының облыстық кезеңі өтті. Байқаудың қорытындысы бойынша  мектебіміздің өзін-өзі тану пәні мұғалімі  Ұлыбаева Ақмарал Отанғалиқызы жүлделі  ІІІ орынды иеленді.   Ақмарал Отанғалиқызын жеңісімен құттықтаймыз!

Қазақстан Республикасы Тәуелсіздігінің 30 жылдығына орай  «Георгиевка орта мектебі» КММ-де «Шебер қолдар» және «Сиқырлы қалам» үйірмелерінің оқушылары жасаған жұмыстарын  мектеп дәлізіндегі  «Тұғыры биік, Тәуелсіздік!»  атты  бұрышқа  орналастырып, өз үлестерін қосты.