«Шеберлер қаласы» тақырыбында психологиялық жұмыс ұйымдастырды

«Георгиевка орта мектебі» КММ-де 11 қараша күні мектеп психологтары А.Кокиева мен Б.Қабилоллаева 3 «В» сынып оқушыларымен баланың шығармашылық қабілетін, ойлауы мен қиялын, ұсақ моторикасын  дамыту, баланың өзіндік бағалауын жоғарылату мақсатында  арт – терапия техникаларының бірін пайдаланып, «Шеберлер қаласы» тақырыбында психологиялық жұмыс ұйымдастырды. Психологиялық сабақ барысында оқушылардың көркем шығармашылық  және біліктілік қабілеттерін дамытып, ермексазбен  сурет салды. Ермексазбен сурет салу баладан төзімділікті, бастаған істі аяғына дейін жеткізу үшін табандылықты талап етеді. Сол себепті оқушылар макарондардан әртүрлі пішіндер мен ермексаздан күзгі жеміс-жидектерді жасауды  қызығушылықпен орындады. Сабақтың соңында балалардың сөздік қоры көбейіп, зейіндері ашыла түсті.  Әрқайсысы өз ойларын еркін жеткізу арқылы жұмыстарын қорғады.