«Табиғатты аяла» облыстық қашықтық форумы
2020 жылдың 4-5 маусымында «Рухани жаңғыру» бағдарламасын жүзеге асыру аясында оқушыларды табиғатты қорғау қызметіне тарту, экологиялық мәдениетті тәрбиелеу және туған өлкенің табиғатына экологиялық бағдарлы көзқарасты қалыптастыру мақсатында жас өлкетанушылардың, экологтар мен табиғат зерттеушілерінің «Табиғатты аяла» облыстық қашықтық форумы өтті.
Атаулы форумға «Георгиевка орта мектебі» КММ-нің 7-11 сынып оқушылары да белсене қатысты. Нәтижесінде:
«Туған өлке тарихы» номинациясы бойынша «Жарманың этно-тарихи туризмі» тақырыбында 3 D форматтағы виртуалды бейнеролик жасап 7- сынып оқушысы Бокебаев Нұрмұхамет пен 10-сынып оқушысы Болатова Айнел ІІІ орынды иеленді. (Жетекшісі: Е.Б.Каирбеков, Ж.К.Садыкова.)
«Денсаулық және қоршаған орта» номинациясы бойынша «Химиялық өнімдерді қолданудағы сауаттылық», «Тұрмыстық химия қауіпсіз бе?» тақырыптарында қоршаған ортаның адам денсаулығына әсерін көрсететін жобаларын 10-сынып оқушылары Рысбай Еламан мен Хасенова Гүлзат ұсынып, жүлделі ІІ орын иеленді. (Жетекшісі: Ж.Т.Ашубаева.)
«Экоболашақ» номинациясы бойынша «Жасыл аула - мектеп көркі» атты жобалық жұмысын 9-сынып оқушысы Мукашева Жансая ұсынып, ІІ орын иеленді. (Жетекшісі: М.Б.Омарова.)
«Табиғаттың құтқару шеңбері» экологиялық квест онлайн тестілеу түрінде өтті. Тестке барлық қатысушылар қатысып, 7-сынып оқушысы Бокебаев Нұрмұхамет, 9-сынып оқушысы Мукашева Жансая, 10-сынып оқушылары Болатова Айнел, Ақантаева Қарақат, Қадесов Батырхан, Рысбай Еламан, Хасенова Гүлзат ІІІ орынды иеленді.
Оқушылар мен жетекшілерін жеңістерімен құттықтаймыз!