«Асыл қазына»

       «Георгиевка орта мектебі» КММ-нің  «Күншуақ» лагерінде 13 маусым күні «Асыл қазына» ұлттық ойындар сайысы өтті. Аталған сайыстағы  «Асық ату», «Қол күрес», «Арқан тарту» ойындарында қатыспай шетте қалған бала болған жоқ. Топтағы балалар қатысушыларға демеу көрсеткен  сайын ойын барысы барлығына керемет көңіл-күй сыйлады. Ал кіші топтағы бүлдіршіндерге өткізілген «Қыз қуу» ойыны бүгінгі күннің ерекше әрі есте қаларлықтай әсер қалдырғаны сөзсіз. Бұл мерекеде  балалардың демалыс уақытында денсаулықтарын жақсартуға әрі қазақ халқының  дәстүрлі ойындарын ойнату арқылы  қызығушылықтарын арттыру болған іс-шара өз мақсатына жетті.