Аудандық ІІІ көркемөнерпаздар фестивалі

23 мамыр күні Георгиевка орта мектебінің ұжымы былтырғы жылдың бас жүлде иегерлері ретінде аудан орталығында алғашқы болып «Ұлы даланың жеті қыры» бағдарламасы аясында «Ұлы даланың сарындары»атты ІІІ аудандық көркемөнерпаздар фестивалін ашты.    Мерекеде жас өнерпаздардың әуелеген әсем әні мен көркем билері туған елге, аналарға, ұстаздарға арналды. Жанұялық дуэттер мен ұстаздар қауымы да көрермен халыққа ән-жырмен көтеріңкі көңіл-күй сыйлады. Сондай-ақ, мектептің түлектері де қатысып, мектеп абыройын көтеруге ықпал етті.