«Жақсы көңіл-күй – жан азығы» тақырыбында тренинг

«Георгиевка орта мектебі» КММ-де 19-20 мамыр күндері мектеп психологтарының  жоспарына сай  А.Кокиева мен Б.Қабидоллаева мектеп бітіруші түлектердің қорытынды аттестаттау алдында өзіне деген сенімділіктерін арттыру, көңіл – күйлерін көтеру, шығармашылық қабілеттерін бағалай білу, өздеріне құрметпен қарау, психоэмоционалды және ақыл-ой қысымын түсіру, үрейді азайту мақсатында «Жақсы көңіл-күй – жан азығы» тақырыбында тренинг ұйымдастырды. Тренинг барысында түлектерге аффирмациялар таратылып,  11-сынып оқушыларының бойларындағы күйзелістерді жою және жаман ойлардан арылту мақсатында рефлексия өткізілді. Мектеп түлектері өздерінің көңіл-күйлерін «Жіп бойындағы сурет», «Адам өз өмірінің суретшісі» ойындары  арқылы суретке түсірді. Жүргізілген жұмыстың соңында түлектерге сыйлық ретінде «Жарқын болашақ» тақырыбында күн шуағына түлектердің бірінші сыныпқа келгендегі суреттері таратылып, бір-біріне жалы лебіздері мен тілектерін жазып, сыйға тартты.