Наурыз мейрамы — ежелгі заманнан қалыптасқан жыл бастау мейрамы.   Наурыз мерекесіне орай  «Ұлттық мереке - бақ береке бастауы!» тақырыбында сынып сағаттары  ұйымдастырылды. Сынып сағаттары барысында  балалар ұлттық киімдер киіп, ұлттық  құндылықтар  мен  мейрам жайлы түрлі ақпараттар алды.

Бүгін мектебіміздің 7 “В” сынып оқушылары аудандық кітапхананың ұйымдастыруымен өткізілген 17 наурыз “Ұлттық киімдер күні” атты іс-шараға қатысты. Іс-шара барысында оқушылар ұлттық киімдердің тарихы туралы тың мәліметтер алып,  Наурыз мерекесі туралы көптеген қызықты сұрақтарға жауап беріп, өздеріне құнды ақпараттар алды. Бүгінгі күні біз ұлттық киімдерді киіп, ұмыт қалмаған ұлттық дәстүрлерімізді жаңғыртып, болашақ ұрпаққа жеткізуіміз қажет.

Бүгін мектебімізде Жарма ауданаралық мәжбүрлеп орындату аумақтық бөлімінің басшысы Шагирова Ажар Кияровна 11 - сынып оқушыларына "Сыбайлас жемқорлыққа жол жоқ!" тақырыбында дәріс оқыды.

Ана – өмірдің шуағы, мейірімнің бастауы!   Мектебімізде 8 наурыз Халықаралық әйелдер күні қарсаңында сыныптар арасында бірыңғай сынып сағаттары өткізілді. 

Төтенше жағдайлардың алдын алу мақсатында мектебімізде "Алдын ала сақтану -  қауіпсіздік кепілі" тақырыбында оқушылармен тәрбие сағаттары өткізілді. 

Бүгін мектебімізде "Алғыс айту" күніне арналған ерекше сынып сағаттары өтті. Бұл шара оқушылардың бір-біріне, ата-аналарына, ұстаздарына және айналасындағы жандарға деген құрметі мен ризашылығын білдіруге мүмкіндік берді. Бұл игі шара мейірімділік пен құрметтің қаншалықты маңызды екенін тағы бір мәрте еске салды. Алғыс айту тек бір күнмен шектелмей, жүрегімізден орын алсын!

Ұлы Жеңістің 80 жылдығына орай  дене шынықтыру пәні мұғалімі О.Б.Нургалиевтің ұйымдастыруымен 9-11 сынып ұлдары арасында қол күрестен жарыс өткізілді.  Жарыстың мақсаты:  ✓салауатты өмір салтын насихаттау;  ✓жасөспірімдердің бос уақытын тиімді пайдалануына ықпал ету;  ✓спортшылардың шеберліктерін шыңдау.

Бүгін мектебімізде “Рымбек Байсейітов атындағы Семей қаржы-экономикалық колледжі” КҚМК мамандары Вощакина Елена Александровна - директордың оқу ісі жөніндегі орынбасары,  Ахметова Айгуль Тусупжановна - физика пәнінің оқытушысы, Есимханова Дана Нурзатовна - арнайы пәндер оқытушысы 9- сынып оқушыларымен мамандық таңдауда түсіндірме жұмыстарын жүргізді.

Қазақ мәдениетінің дамуына үлес қосқан, Алаш қайраткері, абайтанушы ғалым Қайым Мұхамедхановтың әкесі Мұхамедхан Сейітқұловтың 155 жылдығына орай мектебіміздің қазақ тілі мен әдебиет пәні мұғалімі Н.Д.Айтмурзакова “Әке мен бала: Мұхамедхан Сейітқұлов және Қайым Мұхамедханов” тақырыбында 8 "Б" сынып оқушыларымен танымдық сабақ өткізді. 

"ДосболLIKE" бағдарламасы негізінде оқушылар арасында буллинг, кибербуллингтің және зиянды заттардың алдын алу мақсатында  Жарма аудандық полиция бөлімінің ЖПҚБ  инспекторлары: полиция майоры А.Е.Құнанбаева және полиция майоры А.М.Акимбаева 5-7 сынып оқушыларымен профилактикалық әңгіме жүргізді.