Жеңіс күні, бұл – ерліктің, еңселі елдіктің рухы биіктеп, Жеңістің жалауы желбіреген күн.  "9 мамыр - Жеңіс күні" мерекесіне орай  "Ерлігім - елім үшін!" тақырыбында 5-сынып оқушыларының қатысуымен әдеби шығармашылық кеш өткізілді. #bilimim_otanyma #Біртұтас_тәрбие_Абай_облысы

Кеңес әскерлерінің Ауғанстан жерінен шығарылғанына 35 жыл толуына орай және жастарды әскери-патриоттық сезімде тәрбиелеу мақсатында «Мен патриотпын» атты аудандық әскери-қолданбалы спорт түрі сайысында мектебіміздің оқушылары  Нурлубекова Ания "Пневматикалық мылтық атудан"   ІІІ орынды, Кәрім Ерасыл "Кермеге тартылудан" жекелей жарыста  І орынды жеңіп алып, "Кермеге тартылудан" командалық  есепте  ІІ орынды иеленсе,  жалпыкомандалық есепте "Георгиевка орта мектебі" КММ  ІІІ  орын иегері атанды.

1 мамыр – Қазақстан халықтарының бірлігі күніне орай  1-11-сыныптарда  сынып сағаттары өткізілді. Сынып сағаттары барысында балаларға ел ішіндегі түрлі ұлт өкілдерінің бір-біріне деген сый-құрметін арттырып,  татулықты, бірлікті, ортақ құндылықтарды  насихаттау негізгі міндетке қойылып,  оларды өзара татулыққа, достыққа шақырды.  Бірлігіміз жарасып, еліміз тыныш болып,  бейбіт өмірде күн кешуге тілектестік білдіреміз. #Абай_облысы_Жарма_ауданы  #Біртұтас_тәрбие

1 мамыр – Қазақстан халықтарының бірлігі күні мерекесіне орай бір шаңырақ астындағы халқымыздың достығы мен өзара түсіністігі, еліміздегі ұлтаралық татулық, ынтымақ, бірлікті арттыру мақсатында мектебімізде 7-8-сынып оқушылары арасында «Тұрақтылықтың тұғыры – татулық!» атты би сайысы өтті. Сайысқа оқушылар белсенділікпен, қызығушылықпен қатысып, жүлделі орындармен марапатталды.#Абай_облысы_Жарма_ауданы  #Біртұтас_тәрбие

Көңіл жақсы болғаны - өмір жақсы болғаны. Мектебімізде ата-аналарды педагогикалық қолдау орталығының жоспарына сәйкес 9-10 сынып ата-аналарымен "Күйзелістен шығар жол..." тақырыбында дөңгелек үстел өткізілді. Баланың күйзеліске төзімділігін қамтамасыз етудегі мектеп пен отбасының өзара әрекетін жүзеге асыруда ата-аналар жеке пікірлерін білдіріп, ойларын ортаға салды.

"Парктер шеруі - 2024" табиғат қорғау Халықаралық акциясының ашылуына мектебіміздің 10-сынып оқушылары қатысты. Табиғаттың нағыз жанашыр мамандары  оқушыларды табиғатты қорғауға, күтуге және қамқорлық жасауға шақырды. #Біртұтас_тәрбие_Абай_облысы

Мектебіміздің  5-сынып жетекшісі, физика пәнінінің мұғалімі  Болатова Диана Талгатовна  "Біртұтас тәрбие бағдарламасын іске асырудың негізгі аспектісі ретіндегі құндылыққа бағытталған тәрбие және тарихи ағарту" тақырыбындағы облыстық семинарға   қатысып,  облыстық сынып жетекшілер қауымдастығының төрайымы  М.Оспанованың сертификатын иеленді.  Шәкірт  тәрбиелеу ісіндегі еңбегіне  жеміс тілейміз!

Балаларды табиғатты аялауға, қамқорлық жасауға шақыру мақсатында «Семей орманы табиғи резерваты  мемлекеттік Тау-Дала филиалының» мемлекеттік испекторлары К.Т.Карибжанов пен Е.Б.Диканбаев   6, 7-сынып оқушыларымен құстар күніне орай  «Құстар – біздің досымыз» тақырыбында әңгіме жүргізіп, мектеп ауласына құс  ұяларын орнатты.

Әз Наурыз мерекесі қарсаңында   «Ұлттық ойын – ұлт қазынасы!» атты ұлттық ойындар сайысы ұйымдастырылды. Балалар сыныппен   садақ тарту, асық ату, қол күрес, арқан тарту  сияқты ұлттық ойындардан бәйгеге түсіп, өзара жарысты.  Нәтижесінде сайысқа түскен команда мүшелері І орынға қамшы, ІІ орынға тақия, ІІІ орынға киіз үй, домбыра пішініндегі кәдесыйларға ие болды. #Абай_облысы_Жарма_ауданы  #Біртұтас_тәрбие

Әлемдегі ең көне мейрамдардың бірі - Наурыз мерекесіне орай  «Ұлыстың Ұлы күні жасасын!» тақырыбында сынып сағаттары  ұйымдастырылды. Сынып сағаттары барысында  балалар ұлттық киімдер киіп, ұлттық  құндылықтар  мен  мейрам жайлы түрлі ақпараттар алды.  Ұлттық тағамдардан ақ дастархан жайып, Наурыз көжеден дәм татты. #Абай_облысы_Жарма_ауданы  #Біртұтас_тәрбие