2024 жылдың 23 қыркүйек күні  5-7 сыныптардағы өзге ұлт оқушылары арасында «Қазақ тілінде мектеп өмірінен пайдалы видеороликтер» облыстық видеороликтер (лайфхактар) конкурсы өтті. Видеороликтер конкурсына қала, аудандардың орыс, украин, неміс, ұйғыр, өзбек, татар ұлттарының қабілетті, шығармашыл оқушылары қатысты. Конкурс қорытындысы бойынша мектебіміздің 7 – сынып оқушысы  Кених Карина жүлделі ІІ орын иегері атанды. Жетекшісі қазақ тілі мен әдебиеті пәні мұғалімі Уайданова Кенжегуль

2024 жылдың 13 қыркүйек күні дарынды,талантты балалар – жасөспірімдер қозғалысының мүшелерімен республикалық «Жұлдызды сәт» іс – шарасы өтті. Шараға мектебіміздің 11-сынып оқушысы Андраш Балнұр қатысып, өзінің бүгінгі күнге жеткен жетістіктерімен бөлісті.

2024 жылдың 12 маусым күні мектеп жанындағы “Күншуақ” жазғы демалыс лагерінде бүгінгі күн таңғы жаттығудан басталып, спорттық ойындармен жалғасты.  Мектеп ауласында спорттық жарыстар ұйымдастырылып, балалар уақыттарын белсенді әрі қызықты өткізді.

2024 жылдың 27-31 мамыр аралығында 1-8 сынып оқушылары үшін "Жазғы мектеп" ұйымдастырылды. Оқушылар сабақ барысында қызықты тапсырмалар орындап, дене жаттығуларын да жасап, әр сабаққа белсене қатысты.

2024 жылдың 19 сәуірі мен 6 мамыры аралығында «El Umiti» қорының ұйымдастыруымен “Жетістікке жету жолы!” атты эссе жазу конкурсы өтті. Конкурс нәтижесінде Андраш Балнұр Гран-при иегері атанды. Сыйлыққа І. Есенберлиннің 6-томдық кітаптар жинағы берілді. Құттықтаймыз!!!

Жастардың тұлғалық дамуын көздейтін «El Umiti» Премиясының қатысушысы, мектебіміздің  10- сынып оқушысы Андраш Балнұр «EL UMITI-2024» жазғы білім беру лагеріне жолдама алды.  Лагерь 2024 жылдың 16-25 маусым аралығында Ақмола облысы, Зеренді ауданы, “Сұңқар” Сауықтыру кешенінде ұйымдастырылады. Балнұрды құттықтап, жазғы демалысын тиімді өткізуіне тілектеспіз!

2024 жылдың 30 сәуір күні ауыл мектептеріне арналған "Мың бала" ұлттық зияткерлік олимпиадасының ІІ кезеңі өтті. Олимпиадаға қатысқан мектебіміздің 6-сынып оқушысы Серікжан Ерасыл ең жоғары балл жинаған 1000 баланың қатарынан орын тауып, жеңімпаз атанды. Ерасыл дарынды балаларға арналған мамандандырылған мектептерде, БИЛ мектептерінде білім алуға мүмкіндік алды. Құттықтаймыз!

2024 жылдың 14-15 мамыр күндері Абай ауданы, Қарауыл ауылында жалпы білім беретін ұйымдардың оқушылары арасында аймақтық "Кәмен оқулары" байқауы өтті. "Жазушы Кәмен Оразалиннің шығармашылығы" номинациясы бойынша өз бағын сынаған мектебіміздің 11-сынып оқушысы Бекбосын Аружан жүлделі ІІІ орын иегері атанды. Жетекшісі Байдельдинова Айгерим Кайратовна. Құттықтаймыз!!!

2024 жылдың 06 мамыр күні "Абай оқулары" шығармашылық конкурсының аудандық кезеңі өтті. Конкурс нәтижесі бойынша "Сөз өнеріндегі ұлы Абай бейнесі" бағамы бойынша 11- сынып оқушысы Бекбосын Аружан ІІІ орын иегері атанды. Жетекшісі Байдельдинова Айгерим Кайратовна. Құттықтаймыз!