Мектебімізде  30 жылдан астам уақыт тәрбие ісі жөніндегі орынбасары қызметін атқарған, беделді ұстаз Ахметжанова Гульнара Маратовнаны   бала тәрбиесіне қосқан үлесі мен бірлескен       көп жылғы еңбегі  үшін аудандық ішкі істер бөлімінің кәмелетке толмағандар істері жөніндегі аға инспекторы, полиция майоры А.М.Акимбаева және учаскелік  полиция капитаны М.К.Мамилов  келіп  "Ұстаздар күні" мерекесімен құттықтап, сыйлықтарын табыстады. Еңбек - ырыстың қазығы.

Мемлекеттік тілді дәріптеу, көптілді тұлғаны қалыптастыру мақсатында  өткен облыстық видеороликтер байқауында "Георгиевка орта мектебі" КММ-нің 9-сынып оқушысы Набережнева Олеся  І орын иегері атанды. Жетекшісі қазақ тілі мен әдебиеті пәні мұғалімі Даулетова Әсия  Сатбековна. "Тіл - өлшеусіз қазына, өрісі кең әлем" демекші, қазынамызды сақтап, дәріптейтін жас ұрпақтарымыз көп болсын!#Біртұтас_тәрбие

2023 жылдың 20 қыркүйек күні республикалық «Үздік авторлық бағдарлама» байқауының аудандық кезеңі өтті. Әр бағам бойынша байқауға қатысқан математика пәні мұғалімі К.Ш.Мукажанова І орын, бастауыш сынып мұғалімі А.С.Саржанова І орын, информатика пәні мұғалімі ЖК.Садыкова ІІ орын, қазақ тілі мен әдебиеті пәні мұғалімі А.К.Байдельдинова ІІІ орын, бастауыш сынып мұғалімі М.О.Жагипарова ІІІ орын иегерлері атанды.  Әріптестерімізді жеңістерімен құттықтап, шығармашылық табыс тілейміз!

2023 жылдың 16 мамыр күні 2-4 сынып оқушылар арасында  «Балдырған» олимпиадасының аудандық кезеңі өтті. Олимпиадаға мектебімізден 25 оқушы қатысып, төмендегідей нәтиже көрсетті:

Ауыл мектептеріне арналған «Мың бала» Ұлттық зияткерлік олимпиадасының қорытындысы бойынша мектебіміздің 6-сынып оқушылары Болатұлы Райымбек пен Рахимов Нурали жеңімпаздар қатарынан табылды.  Райымбек Абай облысы бойынша ең жоғары 670,080553 ұпай , ал Нурали 567,8529063 ұпай жинады. Жеңімпаздарымыз дарынды балаларға арналған мамандандырылған мектептерге өтінім бере алады.   Райымбек пен Нуралиге зияткерлік бәсекедегі жеңістеріне сәттілік тілейміз!!!

2023 жылдың 12 мамырында Семей қаласында Қ.Н.Нұрсұлтанов атындағы математика пәнінен V облыстық олимпиадаға мектебіміздің оқушылары қатысып, нәтижесінде 6-сынып оқушысы Болатұлы Райымбек 3-орынды (жетекшісі А.Серікжанқызы), 5-сынып оқушысы Серікжан Ерасыл жүлделі 2-орынды (жетекшісі А.А.Турсынгалиева) иеленді. Райымбек пен Ерасылды жетістіктерімен құттықтаймыз!

2023 жылдың 11 мамырында  2-4 сынып оқушыларына арналған «Бастау» Республикалық математикалық турнирінің облыстық кезеңі өтті. Турнирге мектебіміздің бастауыш орыс сыныбынан құралған «Дружба» командасы қатысып, «Әу, Баста» номинациясының иегерлері атанды. Команда құрамы: Султанбеков Алан, Танабаева Диляра, Нұржанұлы Сұңғат. 

2023 жылдың 6 мамыр күні  Жарма ауданы мәдениет үйінде 7 мамыр - Отан қорғаушылар күні мерекесіне арналған салтанатты іс-шара өтті.  Салтанатты жиында аудан әкімі Жарқынбек Байсабыров жиналған қауымды Отан қорғаушылар күнімен құттықтап, жастарға патриоттық тәрбие беруде жемісті қызметі үшін мектебіміздің алғашқы әскери және техникалық дайындық пәні мұғалімі Д.М.Рахимгалиевті Алғыс хатпен марапаттады. 

2023 жылдың  27 сәуір күні «Мен зерттеушімін» мектепке дейінгі жастағы балаларға арналған республикалық байқауының облыстық кезеңі өтті. Байқау қорытындысы бойынша мектебіміздің 0 «В» сынып тәрбиеленушісі Серікжан Арсен «Үй жағдайында гидропоника әдісімен бидай өсіру» тақырыбында жобасын қоғап ЖҮЛДЕЛІ І орын иегері атанды. Жетекшісі Мусатова Алма Серикбаевна. Арсенді, ата-анасын, жетекшісін жүлделі орындарымен құттықтап, шығармашылық табыс тілейміз!

2023 жылдың 26-27 сәуірінде Абай облысы білім басқармасының Семей қаласындағы облыстық дарынды балаларға арналған мамандандырылған «Білім-Инновация лицейі» КММ ұйымдастыруымен 7-11 сынып оқушылары арасында қазақ тілінен «Жарқын болашақ» республикалық олимпиадасының облыстық кезеңі өтті. Олимпиадаға мектебіміздің 8- сынып оқушысы Набережнева Олеся қатысып, ІІІ орын иегері атанды. Жетекшісі Даулетова Асия Сатбековна.