Облыстық "Ақпараттық дайджест" онлайн бейнероликтер байқауында "Бұрымды қыз" номинациясына белсене қатысқаны үшін "Георгиевка орта мектебі" КММ  "Абай облысының  білім басқармасы" ММ  және "Облыстық инновациялық-әдістемелік орталығы" КММ-нің грамотасымен марапатталды. Жемісті күндеріміз көп болсын!

2024 жылдың 12 наурыз күні "Өнерлінің өзегі талмас" апталығы аясында  көркем еңбек пәнінің мұғалімдері А.С.Ермекова мен М.К.Берикканова  "Әсемдік әлемінде " атты сыныптан тыс шеберлік сағатын өткізді. Іс-шара барысында психологиялық ахуалды орнатуда 7- сыныптың қыздары бір-біріне тілек айтып "Достық білезігін" тақты. Сарамандық жұмысы барысында қатысушылар таспалы шашбау тігуде өз шеберліктерін көрсетіп сән үлгісіне ұсынды, ал  көрермендерге шаш күтімі, шашқа байланысты ырымдар мен тыйымдар

2024 жылдың 12 наурыз күні директордың оқу ісі жөніндегі орынбасарлары Г.И.Карпуша мен Б.А.Улыбаеваның ұйымдастыруымен 4, 9 –сынып  ата-аналарына жиналысы өткізілді. Жиналыс барысында мектеп психологы Б.А.Кабидоллаева «Сүйіспеншілік өмір негізі» тақырыбында психологиялық тренинг өткізсе, оқу ісінің орынбасарлары 4, 9 –сынып білім алушыларына білім жетістіктерінің мониторингісін жүргізу ережесі туралы ақпарат берді. Жиналыс соңында ата-аналар сұрақтарын қойып, оған жауап ала алды.

2023-2024 оқу жылында аттестаттаудан өтетін педагогтерге жаңа аттестация ережесін түсіндіру мақсатында директордың оқу ісі жөніндегі орынбасары Б.А.Улыбаева ақпараттық- түсіндірме жұмыстарын жүргізді. Жұмыс барысында педагогтер көкейдегі сұрақтарын қойып, жауап ала алды. Алдағы уақытта мектеп ұжымына түсіндіру жұмысы жоспарлануда.

2024 жылдың 11 наурызында   5-6 сынып оқушыларына   математика пәнінен Қажи Нұрсұлтанов атындағы VI олимпиадасының аудандық кезеңі  өтті. Олимпиаданың қорытындысы бойынша мектебіміздің 5-сынып оқушысы Нематилла Нұрасыл жүлделі ІІ орын иегері атанып, облыстық кезеңге жолдама алды. Жетекшісі математика пәні мұғалімі Мурзагулова Мейргуль Калеловна. Нұрасылды жеңісімен құттықтап, облыстық кезеңде сәттілік тілейміз!

2024 жылдың 11 наурызында "Өнерлінің өзегі талмас" апталығы аясында  көркем еңбек пәнінің мұғалімі Ермекова Алма Сериковна "Бөлшектерді біріктіру мен бұйымды  безендіру " тақырыбында 6 "Б" сыныбында ашық сабақ өткізді. Сабақ барысында психологиялық ахуалды орнатуда "Жарқыраған жұлдыздар", "Сұхбатқа шолу", "Екі қолды жұмысқа жұмылдыру" әдістерін тиімді  қолданды. Кері байланысқа "Түрлі-түсті алжапқыштар" әдісі қолданылып, сабақ қойылған мақсатына жетті.

2024 жылдың 11 наурыз күні көркем еңбек және музыка пәні әдістемелік бірлестігінің “Өнерлінің өзегі талмас” тақырыбында апталығының  ашылу салтанаты өткізілді. Бірлестік мұғалімдері мектеп дәлізін ұлттық нақышта, талапқа сай безендіріп, 1-2 ауысымда оқитын оқушыларға пән бойынша сұрақтар қойып, түрлі басқатырғыш ойындарын ойнатты.

"Қыз бала қылығымен",- демекші, мерекеге орай мектебімізде ару қыздарымыздың құрметіне   1-11- сыныптарда мерекелік тәрбие сағаттары өткізілді. #Абай_облысы_Жарма_ауданы  #Біртұтас_тәрбие

Мектебіміздің  ер мұғалімдері әйелдер қауымын 8 наурыз  - Халықаралық  әйелдер күні мерекесімен құттықтады. Сонымен қатар, жас буынға білім беру мен тәрбиелеудегі жеткен жетістіктері үшін және  еңбектегі  жемісі үшін ұстаздар мен кіші қызметкерлер марапатталды. Тамаша шығармашылық кеш үшін ер азаматтарымызға ризашылық білдіре  отырып,  ұжымдағы әжелерді, аналарды, аруларымызды  төл мерекесімен құттықтаймыз!  Мереке құтты болсын!

Арқан тартудан 5 дүниежүзілік көшпенділер ойындарының республикалық іріктеуінің финалдық кезеңінде Абай облысы атынан сайысқа түскен Жарма ауданы қыздар құрама командасы жүлделі 1  орынды иеленді.  Аудан құрама командасының мүшесі, мектебіміздің ағылшын тілі пәні мұғалімі Сақаева Қаламқас Нурлановна мен жетекшілері Рахимгалиев Даулетқазы Мухтархановичті және  Бекбосынов Асылан Советовичті Республикалық чемпионаттан жеңімпаз атануларымен құттықтаймыз!