"Ғылымға жол ашқан қос қанат» математика-информатика пәні мұғалімдерінің апталығы аясында математика пәні мұғалімі Галымбекова Диана Ерлановна 5 “Г” сыныбында «Жай бөлшектер және аралас сандарды көбейту» тақырыбында ашық сабақ өткізді. Сабақ барысында оқушылар өткен тақырыптарды қайталай отырып, жеке және жұптық жұмыстар арқылы есептер шығарды. Белсенділік танытқан оқушылар жұлдызшалармен бағаланды. Тақырып соңында бекіту тапсырмалары орындалып, оқушылардың білімдері пысықталды

"Ғылымға жол ашқан қос қанат" атты математика, информатика пәндері мұғалімдерінің апталығы аясында 9-11 сынып оқушылары арасында "SMART STUDENT " атты интеллектуалдық ойын өткізілді.  Мақсаты: білім мен стратегияны пайдаланып, барлық сұрақтарға дұрыс жауап беріп, ең жоғарғы жүлдені жеңіп алу. Аталған шараға әр сыныптан 1 оқушыдан қатысып, математикадан білі мдерін сынады. Көрермен үшін қызықты, әрі танымдық сипаттағы ойын болды.

2025 жылдың 04 желтоқсан күні жалпы білім беретін пәндер бойынша 8- сынып оқушылары арасында республикалық олимпиаданың аудандық кезеңі өтті.  Олимпиада нәтижесі бойынша ағылшын тілі пәнінен Рымханов Әлижан (жетекшісі А.Е.Әбділова) және  география пәнінен Мұқиатқызы Айдана ІІІ орын (жетекшісі А.З.Танатаров) иегерлері атанды.  Оқушылар мен жетекшілерді құттықтаймыз!

Дене шынықтыру пәніне қажетті доптар мен өзге де спорттық жабдықтар алып, демеушілік көрсеткен А.К. Бейсенбаевқа, сондай-ақ мектебіміздің 40-түлек оқушыларына зор алғыс білдіреміз! Сіздердің қолдауларыңыз – оқушылардың спортқа деген қызығушылығын арттырып, салауатты өмір салтын дамытуға үлкен үлес қосады. Рахмет сіздерге! Бірге биіктерді бағындыра берейік!