2023 жылдың 5 қазан күні «Георгиевка орта мектебі» КММ-де мектептегі өзін-өзі басқару жұмысын жандандыру, тұлғаның көшбасшылық қасиеттерін ашу және білім алушылардың ұйымдастырушылық қабілеттерін іске асыру мақсатында «Мұғалімдер күні» мерекесіне орай «Дублер күні» өткізілді.

Мемлекеттік тілді дәріптеу, көптілді тұлғаны қалыптастыру мақсатында  өткен облыстық видеороликтер байқауында "Георгиевка орта мектебі" КММ-нің 9-сынып оқушысы Набережнева Олеся  І орын иегері атанды. Жетекшісі қазақ тілі мен әдебиеті пәні мұғалімі Даулетова Әсия  Сатбековна. "Тіл - өлшеусіз қазына, өрісі кең әлем" демекші, қазынамызды сақтап, дәріптейтін жас ұрпақтарымыз көп болсын!#Біртұтас_тәрбие

Астана қаласында футболдан өткен жарыста мектебіміздің 8-сынып оқушылары Акрамов Нұрасыл мен Акрамов Ерасыл Абай облысы құрама командасының атынан қатысып, жүлделі ІІ орынды иеленді. Сондай-ақ,  Акрамов Нұрасыл "Үздік қорғаушы" номинациясының  иегері атанды. Жеңімпаздарымызды құттықтаймыз!

Мектебімізде "Еңбек күні" мерекесіне орай  қазақ тілі мен әдебиеті пәні мұғалімі К.Ш.Уайданованың ұйымдастыруымен «Табысты түлек» тақырыбында іс-шара ұйымдастырылды. Шараның құрметті қонағы ретінде мектеп түлегі, "Алтын белгі" белгісінің иегері, бүгінгі күні жеке кәсіпкер - омарташы Ахмеджанов Тамирлан қатысып, оқушылармен қызықты  әңгіме жүргізді. Тамирлан өзінің кішкене күнінен аталған кәсіпке қызығушылық танытып, 10 жасынан омарташылықпен айналысқанын жеткізді. Оқушылар үшін қызықты әрі тың

1 қазан - қарттар күніне орай  кәсіподақ ұйымының төрайымы Байдельдинова А.Қ.  ұжым атынан мектебіміздің ардагерлерін мерекемен құттықтап, шағын сыйлығын тарту етті. Қазыналы қарттарымыз аман болып, қуанышты күндері көп болуын тілейміз.

29 қыркүйек күні  мектебіміздің 10-11-сынып оқушыларымен Ұлттық Ұлан академиясының  5511 әскери бөлімінің  өкілдері келіп, кәсіптік бағдар беру мақсатында түсіндірме жұмысын жүргізді.  Оқуға қабылдану, оқу орнындағы студенттерге жасалатын жағдай жайлы кеңінен ақпарат беріп, үгіт-насихат жұмысын жүргізді. Болашақ түлектеріміз өздерін қызықтырған сауалдарын қоя отырып, тиісті жауап алды.

«Еңбек күні мерекесіне орай өңірдегі еңбек ерлерімен селфи фото жасап, насихаттау мақсатында мектебімізде "Еңбек ерімен селфи..."  акциясы өтті. Акцияға бірнеше жылдар қатарынан өрт сөндіру бөлімінің басшысы қызметін атқарған Отынбаев Кабдылгабит Баярысович  және жеке кәсіпкер  Садуов Халел Каримович қатысып,  мектеп президенті Оспанова Балжан  мен  Ұланбасы Андраш Балнұрға өздерінің еңбек жолы жайлы мәлімет берді. Өскелең ұрпаққа үлгі боларлық осындай еңбек ерлеріміз көп болсын!

«Георгиевка орта мектебі» КММ-де мектеп психологтары А.Кокиева мен Б.Қабидоллаеваның жоспарына сай оқушылардың көңіл-күйлерін көтеру, өзіне деген сенімділіктерін арттыру мақсатында «Өзіңе көңіл-күй сыйла!» тақырыбында тренинг ұйымдастырылды. Жұмыс барысында «Кім жылдам», «Көңілді мен», «Паластилинография» арт-терапиясы арқылы оқушылардың көңіл-күйлері көтеріліп, белсенділіктері арта түсті.

«Георгиевка орта мектебі» КММ-де көрнекті жазушы Оралхан Бөкейдің туғанына 80 жыл толуына орай 8-сынып оқушылары арасында "Алтайдың асыл перзенті" атты әдеби сағат өткізілді. Шара барысында қаламгердің шығармашылық таланты, оның туындыларының көркемдік ерекшеліктері туралы баяндалды. Оқушыларға жазушының танымал шығармалары оқуға ұсынылды.

Еңбек күні мерекесіне орай  "Георгиевка орта  мектебі" КММ-де  9-11-сынып оқушыларымен "Еңбек - адамның көркі, Адам - заманның көркі"  атты тізіліс өтті.  "Экология және еңбек" фракциясының мүшелері еңбек жайлы  пайдалы кеңестер беріп,  еңбек  атқарып жүрген азаматтар туралы ақпараттар берді.