"Лучший педагог - 2018"

2018 жылдың 23 сәуірі күні «Жарма ауданы білім бөлімі» ММ-нің ұйымдастыруымен отдела образования Жарминского района КММ-де Жарма ауданы бойынша бастауыш, негізгі және жалпы орта білім беру мекемелеріндегі педагогикалық қызметкерлер арасында «Лучший педагог – 2018» байқауы өтті.

Байқауның негізгі мақсаты: Жалпы орта білімді жүзеге асыратын білім беру ұйымдарының потенциалды мүмкіндіктерін анықтау, шығармашылықпен жұмыс істейтін ұстаздарды анықтау және қолдау көрсету.

Байқау екі кезеңнен тұрды:

1-кезең. Сырттай: өзі туралы жалпы мәлімет, кәсіби құзыреттілігі, тәжірибесі және нәтижелері жинақталған портфолио.

2-кезең. Күндізгі: «Мұғалімнің жұмыс жүйесі» тақырыбында презентация қорғау және пән бойынша бейнесабақ көрсету.

Байқауға ауданымыздың барлық мектептерінен іріктелген 11 мұғалім қатысты. Георгиевка орта мектебінің атынан математика пәні мұғалімі Конысбек Дарын Талгатулы қатысып, өзінің іздемпаз, шығармашылықпен жұмыс істейтін ұстаз екенін дәлелдеп жүлделі I орынды жеңіп алды.

Конысбек Дарын Талгатулына шығармашылық табыстар тілейміз.