Астана қаласында футболдан өткен жарыста мектебіміздің 8-сынып оқушылары Акрамов Нұрасыл мен Акрамов Ерасыл Абай облысы құрама командасының атынан қатысып, жүлделі ІІ орынды иеленді. Сондай-ақ,  Акрамов Нұрасыл "Үздік қорғаушы" номинациясының  иегері атанды. Жеңімпаздарымызды құттықтаймыз!

"Георгиевка орта мектебі" КММ- де 9-11-сынып оқушыларымен  Жарма АПБ ТБ тергеушісі полиция аға лейтенанты Дмитриенко Виктория Александровна  және  кәмелетке толмағандар істері жөніндегі учаскелік полиция инспекторы, полиция капитаны Мұратов Ринат Мирланұлы құқықбұзушылықтың алдын алу, зиянды заттарға жол бермеу,  көлік қозғалысы, түнгі уақытта көшеле жүрмеу жайлы профилактикалық әңгіме  жүргізді. Сұрақ-жауаппен  алмасып, балалар құқықбұзушылықтың алдын алу  бойынша біршама ақпарат алды.

2023 жылдың 16 мамыр күні 2-4 сынып оқушылар арасында  «Балдырған» олимпиадасының аудандық кезеңі өтті. Олимпиадаға мектебімізден 25 оқушы қатысып, төмендегідей нәтиже көрсетті:

Ауыл мектептеріне арналған «Мың бала» Ұлттық зияткерлік олимпиадасының қорытындысы бойынша мектебіміздің 6-сынып оқушылары Болатұлы Райымбек пен Рахимов Нурали жеңімпаздар қатарынан табылды.  Райымбек Абай облысы бойынша ең жоғары 670,080553 ұпай , ал Нурали 567,8529063 ұпай жинады. Жеңімпаздарымыз дарынды балаларға арналған мамандандырылған мектептерге өтінім бере алады.   Райымбек пен Нуралиге зияткерлік бәсекедегі жеңістеріне сәттілік тілейміз!!!

2023 жылдың 12 мамырында Семей қаласында Қ.Н.Нұрсұлтанов атындағы математика пәнінен V облыстық олимпиадаға мектебіміздің оқушылары қатысып, нәтижесінде 6-сынып оқушысы Болатұлы Райымбек 3-орынды (жетекшісі А.Серікжанқызы), 5-сынып оқушысы Серікжан Ерасыл жүлделі 2-орынды (жетекшісі А.А.Турсынгалиева) иеленді. Райымбек пен Ерасылды жетістіктерімен құттықтаймыз!

2023 жылдың 11 мамырында  2-4 сынып оқушыларына арналған «Бастау» Республикалық математикалық турнирінің облыстық кезеңі өтті. Турнирге мектебіміздің бастауыш орыс сыныбынан құралған «Дружба» командасы қатысып, «Әу, Баста» номинациясының иегерлері атанды. Команда құрамы: Султанбеков Алан, Танабаева Диляра, Нұржанұлы Сұңғат. 

2023 жылдың  27 сәуір күні «Мен зерттеушімін» мектепке дейінгі жастағы балаларға арналған республикалық байқауының облыстық кезеңі өтті. Байқау қорытындысы бойынша мектебіміздің 0 «В» сынып тәрбиеленушісі Серікжан Арсен «Үй жағдайында гидропоника әдісімен бидай өсіру» тақырыбында жобасын қоғап ЖҮЛДЕЛІ І орын иегері атанды. Жетекшісі Мусатова Алма Серикбаевна. Арсенді, ата-анасын, жетекшісін жүлделі орындарымен құттықтап, шығармашылық табыс тілейміз!

2023 жылдың 26-27 сәуірінде Абай облысы білім басқармасының Семей қаласындағы облыстық дарынды балаларға арналған мамандандырылған «Білім-Инновация лицейі» КММ ұйымдастыруымен 7-11 сынып оқушылары арасында қазақ тілінен «Жарқын болашақ» республикалық олимпиадасының облыстық кезеңі өтті. Олимпиадаға мектебіміздің 8- сынып оқушысы Набережнева Олеся қатысып, ІІІ орын иегері атанды. Жетекшісі Даулетова Асия Сатбековна. 

2023 жылдың 24-25 сәуірінде Өскемен қаласында Жәкула Күшікұлы атындағы химия және биология пәндерінен I аймақтық олимпиадасы өтті. Олимпиадаға мектебіміздің 10-сынып оқушысы Ясымбек Дильназ қатысып,  ІІІ орын иегері атанды. Жетекшісі Ашубаева Жанна Турсыновна.