2023 жылдың 03 қарашасында бастауыш сынып мұғалімдеріне арналған республикалық "Алтын тұғыр" олимпиадасының аудандық кезеңі өтті. Олимпиада қорытындысы бойынша мектебіміздің бастауыш сынып мұғалімі Кабдуллина Жадыра Жумабековна жүлделі ІІ орынды иеленіп, облыстық кезеңге жолдама алды. Әріптесімізге облыстық кезеңде сәттілік тілейміз!

2023 жылдың 01 қараша күні Семей қаласында 2-7 сынып оқушылары арасында «Зерде» зерттеу жобалары мен шығармашылық жұмыстар конкурсының облыстық кезеңі өтті. Конкурс қорытындысы бойынша мектебіміздің 3-сынып оқушылары Серікжан Нұрасыл мен Нұрланова Нұрия жүлделі ІІІ орын иегерлері атанды. Жетекшісі Саржанова Асем Саржановна.  Оқушыларды, жетекшісін,  ата-аналарды жеңістерімен құттықтаймыз!

Саналы ғұмырын жас ұрпақты тәрбиелеу ісіне арнап, осы салада ұзақ жыл қалтқысыз қызмет еткені үшін бастауыш сынып мұғалімі Тагаева Назигуль Ермухановна ҚР Оқу-ағарту министрінің Алғыс хатымен марапатталды. Әріптесімізді құттықтаймыз!

Жас ұрпақты тәрбиелеу жолындағы тынымсыз еңбегі мен ағартушылық қызметі үшін мектепалды даярлық сынып тәрбиешісі Семсенова Мейрамгуль Шагибасовна ҚР Оқу-ағарту министрінің Алғыс хатымен марапатталды. Әріптесімізді құттықтаймыз!

Өнегелі білім, тағылымды тәрбие алған жас ұрпақтың өсіп-өркендеуіне аянбай атсалысқаны үшін орыс тілі мен әдебиеті пәні мұғалімі Ахметжанова Гульнара Маратовна ҚР Оқу-ағарту министрінің Алғыс хатымен марапатталды. Әріптесімізді құттықтаймыз!

Кәсіби "Кітапханашылар күні" мерекесіне орай ұлттық құндылықтарды дәріптеп, парасатты, рухани жан-дүниесі бай, білімді, кітапты сүйе білетін ұрпақты тәрбилеудегі адал еңбегі үшін мектеп кітапханашысы Бахытгуль Толеубековна Жарма ауданы білім бөлімінің Құрмет грамотасымен марапатталды. Құттықтаймыз!

2023 жылдың 14 қазан  күні математика пәні мұғалімдеріне арналған облыстық олимпиада өтті. Олимпиадаға мектебіміздің математика пәні мұғалімі Бедер Лилия Романовна қатысып, жүлделі ІІІ орын иегері атанды.  Әріптесімізді жеңісімен құттықтаймыз!

Республика күніне орай  "Ата Заң - еркіндіктің кепілі" тақырыбында өткен аудандық  дебат ойынында  мектебіміздің "Ақиқат" дебат клубы  жүлделі І орынға ие болды. Жетекшісі Байбатшаева А.С.

Бородулиха ауданы әкімінің жүлдесіне бокстан өткен облыстық  ашық турнирде мектебіміздің 7-сынып оқушылары Төлеубек Алдияр ІІ орынды,  Амангелді Әділет, Болат Ерболат пен Болат Нұрболат  І орын иегері атанды.  Марапат иелерін  және жаттықтырушысын құттықтаймыз!

2023 жылдың 6 қазан  күні математика пәні мұғалімдеріне арналған облыстық олимпиаданың аудандық кезеңі өтті. Олимпиада нәтижесінде мектебіміздің математика пәні мұғалімі Бедер Лилия Романовна қатысып, жүлделі І орын иегері атанды.  Әріптесімізді жеңісімен құттықтап,  облыстық кезеңде сәттілік тілейміз!