"Күншуақ" лагерінің бесінші күні балалар әдеттегідей таңғы жаттығудан соң үйірмеде және топтарда жұмыс жасады. "Жұлдыздар" тобында түрлі кітаптарға шолу жасап, спорттық эстафеталық ойындар ұйымдастырылса, "Балдырған" тобында бишілер күні өтіп, әр түрлі би үлгісін көрсетті. Жалпы шарада "Мен әнші боламын" тақырыбында әншілерге пародия жасады. Концерт соңында мадақтамамен марапатталды.

2022 жылдың 28 маусым күні  жоспар бойынша мектеп кітапханашысы  Б.Т.Ержанова оқушылардың оқырмандық мәдени тәрбиесін, көркем әдебиетке, кітапқа деген қызығушылығын арттыру мақсатында  "Ертегілер еліне саяхат" атты танымдық шара  өткізді.  Кітапханамыздағы қызықты кітаптарға шолу жасап, электронды кітаптарды оқуға баулу, "BookCrossing" кітап алмасу қозғалысын дамыту жұмысы жүргізілді. Әр топтан  балалар қызықты ертегілер кейіпкерлерін тауып,  мазмұнына тоқталды. Шара соңында викториналық

Бүгін "Күншуақ" лагерінің екінші  ауысымының ашылуына орай іс-шара ұйымдастырылды. Мерекелік бағдарламада ән айтылып, би билеп, өнер көрсетілді. Сондай -ақ, топтарда  қимыл-қозғалыс ойындары, викториналық сұрақтар қойылып, қуыршақ  театрынан үзінді көрсетілді.  Мереке соңында балаларға базарлық ретінде балмұздақтар таратылды.

2022 жылдың 25 маусым күні  "Георгиевка орта мектебі" КММ-нің 10-сынып оқушылары сынып жетекшісі Г.А.Искакованың ұйымдастыруымен Семей қаласындағы Абайдың әдеби-мемориалдық  мұражайын  аралап, аквапаркке, "Абай Арена" спорттық кешеніне  барып, оқушылар  көтеріңкі көңіл-күймен  демалып қайтты.

Бүгін "Күншуақ" жазғы лагерінде "Бояулар сөйлейді" атты асфальтқа сурет салу сайысы өтті. Сурет жайдарлы жаз мазмұнын қамтып, балаларға тақырып  бойынша, жазғы демалыстағы демалыс орындарындағы қауіпсіздік ережелері жайлы түсіндірме жұмысы  жүргізілді. Оқушылар жайдарлы жаздың суретін  балалар көзімен асфальтқа бейнеледі.

Халықаралық нашақорлыққа қарсы күрес күніне арналған гір спортынан ашық қалалық  чемпионатта әріптесіміз Бекбосынов А.С. жүлделі І орынды жеңіп алды.

Бүгін "Георгиевка орта мектебі" КММ  жанындағы "Күншуақ" жазғы демалыс лагерінің II ауысымы өз жұмысын бастады. Таңғы жаттығудан бастап, күн тәртібіне сәйкес "Шебер қолдар"," Роботтор әлемі", " Спорт және дене тәрбиесі", "Enjoi English" үйірмелері жұмыс жасауда. Топтағы балаларды топтарға бөліп,   ұрандарын жаттатып, қауіпсіздік ережелерімен таныстырып, қызықты ойын түрлері өткізілді.

"Георгиевка орта мектебі" КММ-де  "Күншуақ" жазғы демалыс лагерінің балаларымен кітапханашы Б.Т.Ержанова  "Балаларға базарлық" атты  іс шара өткізді. Шара барысында оқушылар кітапханадағы балаларға арналған журналдармен танысып, кроссвордтар мен жұмбақтар шешті.

2022 жылдың 22 маусым күні "Георгиевка орта мектебі" КММ-нің 7 "Ә" сынып оқушыларын  сынып жетекшісі Г.Т.Баяндинова  Өскемен қаласына  этносаябаққа апарып, неміс, орыс, еврей, т.б. әр түрлі халықтардың үйлеріне кіргізіп, олардың тұрмыс-тіршілігімен, салт-дәстүрімен таныстырып, танымдық саяхат жасап қайтты. Сонымен қатар, балалар  кинотеатрға барып, қала тірлігінің бір күнін бастарынан өткізіп, ерекше көңіл-күйде болды.

Мектепішілік "Күншуақ" жазғы лагерінің 1 маусымының жабылуына орай салтанатты іс-шара өткізілді. Концерттік бағдарлама ұйымдастырылып, балалар ән салып, би билеп, өз өнерлерін паш етті. Жоспар бойынша өткізілген іс-шараларға белсене қатысқандары үшін топтар  "Ұйымшыл  топ", "Өнерлі топ", "Білімді топ",  "Талапты топ" номинацияларына ие болды.