2023 жылдың 20 маусым күні "Георгиевка орта мектебі" КММ-нің мектеп жанындағы жазғы демалыс лагерінің жоспары бойынша "Фастфуд тағамдарының зияны көп деп есептейді" тақырыбында дебат пікірсайысы өтті. Пікірсайысқа төрт фракция қатысты. Әр топ өз пікірін білдірді.  Қатысушыларға түрлі номинациялар беріліп  топтар ішінде ойындар ұйымдастырылды.

20 маусым күні "Георгиевка орта мектебі" КММ-де мектепішілік жазғы лагерь оқушыларымен мектеп кітапханасында "Мен оқыған ертегі" атты әдеби ойын өткізілді. Шара барысында оқушлармен "Ертегі кейіпкерін тап" ойыны арқылы жыл көлемінде оқыған ертегілеріне шолу жасап, өздеріне ұнаған ертегіні мазмұндап берді. Шара соңында кітапханаға жаңадан түскен ертегі кітаптарымен танысты.

2023 жылдың 19 маусым күні "Георгиевка орта мектебі" КММ мектепішілік жазғы демалыс лагерінің жоспары бойынша "Угадай мелодию" атты үзінді арқылы әуенді табу ойыны өтті. Әр топ оқушылары ойынға белсене қатысып, жасырынған әуенді тауып, ойын соңында балаларға марапаттар берілді. Сонымен қатар, топ  ішінде әр түрлі ойындар ұйымдастырылды.

2023 жылдың 18 маусым күні  5 "Ә" сыныбы Өскемен қаласына бір күндік демалысқа барды. Оқушылар әр елдің салт-дәстүрлерімен тансып, көптеген ақпарат ала отырып,  мектеп қабырғасынан тыс жерде ерекше демалыс өткізіп, жағымды әсермен қайтты.

Мектебіміздің 2003 жылғы түлектері мектеп бітіргендеріне  20 жыл толуына орай сынып жетекшісі, ардагер ұстаз Р.Е.Абеновамен бірге   мектепті аралап, оқыған кабинеттерін көріп,  балалық шақтарын еске алып  қайтты.  Түлектер мектепке арнайы әдеби кітаптар мен  доптар сыйлап, қазіргі оқушылардың  білім алуларына, спортпен шұғылдануына ықпал етіп,  ізгі іс атқарды. Түлектерге зор алғыс білдіре отырып, отбасыларына амандық тілейміз!

17 маусым күні 8"В" сыныбы Семей қаласына бір күндік жорыққа барып, Абайдың "Жидебай-Бөрілі" мемлекеттік тарихи-мәдени және әдеби-мемориалды қорық  музейін аралады. Шоқан Уалиханов атындағы теплоходқа отырып,  Ертіс өзеніне  саяхаттады. Соңында  кинотеатрда кино тамашалап,  ерекше демалыс өткізді.

2022-2023 оқу жылында мектебімізде 88 түлек негізгі орта мектепті аяқтап, оның 6-уы үздік бітірді. 16 маусым күні түлектерімізге  "Негізгі орта мектепті бітіргені туралы аттестат" беру  жиыны өтті. Жиынның құрметті қонағы ретінде мектепішілік қамқоршылық кеңесінің белсенді мүшесі болған және мектеп өміріне зор үлес қосқан ата-ана Г.С.Серикболова қатысып, түлектерге ізгі ниетін білдірді.  Жас түлектерге ақ жол тілейміз!

2023 жылдың 16 маусым күні "Георгиевка орта мектебі" КММ жанындағы "Күншуақ" жазғы демалыс лагерінің жоспары бойынша "Квест" ойыны ұйымдастырылды.  Балалар жасырынған суреттер арқылы қазына тауып, әр топ карта сызбасы бойынша түрлі тапсырмаларды орындады.  Балалар үшін ойын өте қызықты болды.

"Георгиевка орта мектебі" КММ-де  "Оқуға құштар мектеп" жобасы аясында 5-сынып оқушыларымен "Мен оқыған  бір шығарма" атты  ой бөлісу сағаты ұйымдастырылды. Шара барысында оқушылар өздері оқыған шығармадағы кейіпкерлер жайында  ой пікірлерін ортаға салып , өздерін  ұнаған қызықты оқиғаларды оқып берді.

2023 жылдың 14 маусым күні "Георгиевка орта мектебі" КММ жанындағы жазғы демалыс лагерінің жоспары бойынша "Жаз аруы"сайысы өтті. Сайыс бірнеше кезеңдерден тұрып, талаптарға сай оқушылар өз өнерлерін көрсетті. Нәтижесінде сайыс жеңімпаздары анықталды. Сонымен қатар, балалар "Тоғызқұмалақ", "Робототехника" үйірмелеріне қатысып, қызығушылықтары бойынша шығариашылық жұмыстармен айналысты.