1 мамыр – Қазақстан халықтарының бірлігі күні мерекесіне орай бір шаңырақ астындағы халқымыздың достығы мен өзара түсіністігі, еліміздегі ұлтаралық татулық, ынтымақ, бірлікті арттыру мақсатында мектебімізде 7-8-сынып оқушылары арасында «Тұрақтылықтың тұғыры – татулық!» атты би сайысы өтті. Сайысқа оқушылар белсенділікпен, қызығушылықпен қатысып, жүлделі орындармен марапатталды.#Абай_облысы_Жарма_ауданы  #Біртұтас_тәрбие

2024 жылдың 29 сәуірінде жас мамандардың «Жас маман- болашаққа бас қадам» тақырыбында апталықтың ашылу салтанаты өткізілді. Апталық барысында мектеп дәлізі талапқа сай безендіріліп, 1-2 ауысымда оқитын оқушылар үшін  әртүрлі қызықты тапсырмалар ұйымдастырылды. Тапсырманы дұрыс орындаған оқушыларға оқу құралдары табысталды.

2024 жылдың 29 сәуір күні жас мамандардың апталығы аясында биология пәні мұғалімі Маралбаева Аяжан Дәулетқызы 9 «Ә» сыныбында «Жерде тіршіліктің қалыптасу кезеңдері» тақырыбында ашық сабақ өткізді. Сабақ барысында әртүрлі таратпа материалдарды қолданып, оқушылар топпен жұмыс жасап, постер қорғады. Мұғалім Genially-дағы «Detective QUIZ» әдісін, «Білім кемесі»  кері байланысын тиімді қолданды. Оқушылар сабаққа  қызығушылықпен белсене қатысып топтық жұмыстарды орындады.

"Жас маман - болашаққа бас қадам" апталығы аясында математика пәні мұғалімі Әмірбек Салтанат Әмірбекқызы 6 "Б" сыныбында  «Екі айнымалысы бар сызықтық теңдеулер жүйесін қосу тәсілімен және алмастыру тәсілімен шешу» тақырыбында ашық сабақ өткізді. Сабақ мақсатына жету үшін мұғалім сабақ барысында «Аквариум» әдісін, «Қима қағаздармен жұмыс», «Математикалық пазл» әдісін қолданды. Сабаққа оқушылар белсене қатысты.

Көңіл жақсы болғаны - өмір жақсы болғаны. Мектебімізде ата-аналарды педагогикалық қолдау орталығының жоспарына сәйкес 9-10 сынып ата-аналарымен "Күйзелістен шығар жол..." тақырыбында дөңгелек үстел өткізілді. Баланың күйзеліске төзімділігін қамтамасыз етудегі мектеп пен отбасының өзара әрекетін жүзеге асыруда ата-аналар жеке пікірлерін білдіріп, ойларын ортаға салды.

"Абай облысының білім басқармасы"ММ мен "Облыстық инновациялық-әдістемелік орталығы"КММ-нің ұйымдастыруымен өткен әскери-қолданбалы спорт түрінен Ұлағатты ұстаз Тыныштыбаев Құрман Құсманұлын еске алуға арналған облыстық турнирге мектебіміздің оқушылары белсене қатысып,  автоматты бөлшектеу  мен  жинақтаудан  Жұмағазы Шұғыла ІІ орынды, кермеге тартылудан Кәрім Ерасыл І орынды иеленсе, жалпыкомандалық есепте  жүлделі І орынды жеңіп алды. Жетекшісі Рахимгалиев Д.М.

Ұжымдық береке-бірлікті, ынтымақтастықты нығайту мақсатында өткен аудандық XXIV спартакиада ойындары аясында  волейболдан қыздар командасы  ІІІ орынды иеленді. Алдағы уақытта толағай табыстар тілейміз!

Ұжымдық береке-бірлікті, ынтымақтастықты нығайту мақсатында өткен аудандық XXIV спартакиада ойындары аясында қол күресі жарысында  мектебіміздің физика пәні мұғалімі Дайров М.Т. ІV орынды, тарих пәні мұғалімі Есентаев А.М. ІІ орынды,  химия пәні мұғалімі Қапашева Қ.Ә.  І орынды жеңіп алып, командалық есепте жүлделі  І орынды иеленді.  Спортшыларымызға алдағы уақытта  жетістік тілейміз!

2024 жылдың 26 сәуірінде Семей қаласында "Шығармашылық индустрия дегеніміз не және оны қалай дамыту керек" тақырыбында Абай облысы білім басқармасы басшысының шығармашыл балалармен кездесуі өтті.  Кездесуге мектебіміздің 9-сынып оқушысы Төлеуғалымова Анеля "Создание мобильного приложения Smart Bee" тақырыбында жобасын қорғады. Жетекшісі Садыкова Жанара Кенжебекқызы.

Ауыл мектептерінің оқушыларына беделді қазақстандық және халықаралық жоғары оқу орындарына түсуге тең қол жеткізуге қолдау көрсету мақсатында 8-сынып оқушыларына арналған "IQanat" олимпиадасының ІІ кезеңіне Тылеубек Перизат пен Максутова Дария жолдама алды. Оқушыларымызды жетістіктерімен құттықтаймыз!